«Qaraǵandy oblysynyń Azamattyq Alıansy» Qaýymdastyǵy» zańdy tulǵalar birlestigi (ZTB) músheleri osy Úndeýdi talqylap, Prezıdent Qasym-Jomart Toqaevtyń sheshimin tolyq qoldady.
Kezekten tys saılaý bıliktiń tabysty tranzıtiniń kepili bolady dep esepteımiz. Sebebi belgisizdiktiń osy qysqa kezeńinde kóptegen úderister tejeledi, bul azamattyq sektordyń kóptegen ınstıtýttaryna tolyqqandy jumys isteýine múmkindik bermeıdi.
Aldaǵy saılaý azamattyq qoǵam men Elbasy negizin qalap ketken memleket arasynda tyǵyz baılanys ornaýynyń alǵashqy kezeńi bolatynyna biz senimdimiz.
Kezekten tys saılaý ótkizý elimizde qandaı da bir turaqsyzdyqtyń paıda bolýyna jol bermeıdi. Bul qoǵamnyń barlyq júıeleriniń tolyqqandy jumys isteýi múmkin bolmaıtyn qoǵamdyq turaqtylyqty, elimizdegi ultaralyq yntymaqtastyqty saqtaýǵa kómektesedi.
Árıne zańdy túrde saılanǵan Memleket basshysynyń uzaq merzim jumys isteýi el azamattarynyń ál-aýqatynyń órkendeýine baǵyttalǵan úkimettik emes sektordyń jumysy nátıjeliliginiń ósýine kepildik bolady.
Barlyq kezde halyqqa aıqyndyq pen anyqtyq qajet bolatyny ras. Qazir biz aıqyndyqqa kezekten tys saılaý ótkizý arqyly ǵana qol jetkizemiz.
VIII Azamattyq forýmda azamattyq qoǵamdy damytýǵa múldem jańa kózqaras qajet ekendigi anyqtalyp, ony damytýdyń jańa tujyrymdamasyn ázirleý týraly sheshim qabyldandy. Belgilengen maqsattardy tabysty iske asyrý qazaqstandyqtardyń Memleket basshysyn túpkilikti tańdaýynan keıin ǵana múmkin bolady.
Biz Elbasynyń alǵa qoıǵan damý baǵytyn árdaıym jáne tolyq kólemde qoldaımyz jáne jańadan saılanǵan el Prezıdentimen qaıta qurý baǵyty tabysty jalǵasatynyna senimdimiz.
Jańa Prezıdentti saılaý el ekonomıkasynyń ári qaraı damýyna jańa serpin beredi. Bul negizde qoǵamnyń áleýmettik máseleleri anaǵurlym tıimdi sheshiletin bolady. Biz myqty bıliktiń halyqtyq mandatpen zańdy túrde jáne der kezinde saılanýyn qoldaımyz.
Azamattyq qoǵamnyń barlyq ınstıtýttaryn Qazaqstan Respýblıkasy Prezıdentiniń Qazaqstanda kezekten tys saılaý ótkizý týraly úndeýin qoldaýǵa shaqyramyz.
Serik SANAÝBAEV,
«Qaraǵandy oblysynyń Azamattyq alıansy» Qaýymdastyǵy» ZTB Úılestirý keńesiniń múshesi
QARAǴANDY
