Eldik istiń eleýlisi

Jańa álipbıge kóshý de­genimiz, úlken jaýapkershilikti ta­lap etedi. Sóz emes, is alǵa ozýy kerek. Sonda ǵana mindet min­siz atqarylady. Eń bastysy, urpaqty saýattylyqqa baý­lý, emleni jetik bilip, ony ádisteme ústinde shyńdaı berý. Bul tııa­naqty atqarylmasa, jetik maman daıyndalmasa, alty jyldan keıin qoldanysqa enetin latyn grafıkasy qıyndyqtarǵa tap kelýi múmkin. Mádenıet já­ne sport mınıstrligi Til saıa­sa­ty ko­mıteti Sh.Shaıahmetov atyn­­­daǵy «Til-qazyna» ulttyq ǵy­ly­mı-praktıkalyq ortalyǵy sońǵy kezderi «Jańa emleni oqy­tý ádistemesi» degen taqy­rypta latyn negizdi qazaq jazýyn meń­geretin mamandar ázirleý boıynsha respýblıkalyq sharany qolǵa aldy.

Taıaýda ǵana Otanymyzdyń barlyq óńirindegi oqý oryn­darynyń oqytýshylary men ádiskerlerin shaqyryp, bul sala­nyń oqymysty maman-ǵalym­daryn qatystyryp, 72 saǵattyq kýrs uıymdastyrýy soǵan dálel. Onda jańa qazaq álipbıiniń fo­nologııalyq negizderi, grafı­kasy men quramy, tól jáne kir­me, birge jáne bólek, kúrdeli jáne qysqarǵan sózderdiń, sy­zyq­­shamen jazylatyn sózder­diń emlesi, shet tilinen engen sóz­derdiń orfografııasy men or­foepııasy, jańa álipbıdi meń­gerýdegi jańa IT jobalaryn talapkerlerge oqytqan edi. Sol jańa emleni meńgerý barysynda ın­novasııalyq-pedagogıkalyq teh­nologııalardy, ádis-tásilderdi qatysýshylardyń sheberligin shyńdaýǵa tıimdi paıdalandy. Bul latynnegizdi qazaq álipbıi men emle erejeleriniń qurylymyn, emle normalarynyń ǵylymı negizderin bekitýge jol ashatyny anyq. Al kýrsty aıaqtaǵandarǵa arnaıy sertıfıkattar tapsyryp, alǵan bilimderin óńirlerde jalǵastyrý kerektigi júkteldi. Bir sózben aıtqanda, álipbıimizdi túzep, emlemizdi durystap, ony qalyń jurttyń ıgiligine jaratý dál qazir eldik istiń bir bas­taýy desek, esh artyqtyǵy joq. Mundaı qadam jyl boıy jalǵa­satynyn da nazarǵa sala ketelik.