«Men bir nárse aıtaıyn, xalyq óte saq bolýy kerek. Sebebi olardyń ishinde alaıaqtar, neshe túrli adamdar bar. Meniń myna Nazarbaev zııatkerlik mektepterinde istegenimdi barlyqtaryńyz bilesizder. Sonda jylda aıtady. Sosyn túspeı qalsa, qolymnan kelmedi dep, aqshasyn qaıtaryp beredi eken. Al túsip ketse, men kómektestim dep aıtady. Al shyn máninde, ol múmkin emes. Sebebi suraqqa jaýap bergennen keıin onyń barlyǵy ketedi. Sol jerden ashylady, sol jerden tekseriledi. Tekserilip bitkennen keıin ǵana shrıft ashylyp, famılııasy qoıylady. Sondyqtan ondaı dúnıe jasaý múmkin emes», - dedi K.Shámshıdınova Úkimet úıinde ótken baspasóz máslıxatynda.
Mınıstrdiń aıtýynsha, test kitapshalary shyǵarylatyn jerlerde beınebaqylaý júıesi ornatylǵan.
«Olardyń barlyǵy kameranyń astynda otyrady. Kamera bir sekýndqa da toqtamaıdy. Kim bardy? Kim aldy? Sondyqtan bir jerden bir nárse shyǵatyn bolsa, biz naqty adamnyń famılııasyn aıta alamyz», - dep atap kórsetti K.Shámshıdınova.
Aıta keteıik, búgingi brıfıngte bilim mınıstri bilim qyzmetkerleriniń jalaqysyn kóterý sharalary týraly aıtty. Atalǵan tapsyrmany QR Tuńǵysh Prezıdenti - Elbasy Nursultan Nazarbaev bergen bolatyn. Oǵan sáıkes, jalaqysy tómen bıýdjettik sala qyzmetkerleriniń jalaqysy 30 kóterilýi kerek. Búginde arnaıy tarıftik koeffısent bekitildi.
