Saryarqa aýdanyndaǵy senbilik barysynda Kenesary kóshesinde 38 aǵash (alma jáne shıe) «kesek ádisi» boıynsha otyrǵyzyldy. Sharaǵa «Sadaqa jarııa» bastamashyl toby qatysty. Nur Otan partııasy Jastar qanatynyń belsendileri Álııa Moldaǵulova eskertkishi men kóshesine tazalyq jumystaryn júrgizdi.
Jalpy, Saryarqa aýdanynda senbilikke 6 676 adam qatysyp, 35,2 tonna qoqys shyǵaryldy.
Almaty aýdanynda senbilikke 13 myńnan astam adam qatysyp, aýdan aýmaǵynan 101,36 tonna qoqys shyǵaryldy.
Sonymen qatar, Abylaıhan dańǵylyndaǵy jelekjolda Almaty aýdany ákimi apparatynyń qyzmetkerleri senbilik ótkizdi. Senbilikte 4,5 tonnadan astam qoqys shyǵaryldy.
Al Esil aýdanyndaǵy kóshe tazalyǵy sharasyna 8 690 adam qatysty. 450 tonna qoqys shyǵarylyp, kómildi.
Baıqońyr aýdanynda 13 sáýirdegi senbilikke 10 815 adam atsalysyp, aýdan aýmaǵynan barlyǵy 57,86 tonna qoqys shyǵaryldy.
