Foto: Sabaqtar.kz
Negizi, bul másele jyl saıyn kóterilip turady. Biraq burynnan beri kele jatqan jaqsy bir dástúr bar. Ol - túlekterdiń keshin mektepte ótkizý. Ondaıda muǵalim men oqýshy arasynda salıqaly áńgimeler aıtylady, túlekterdiń ózara qarym-qatynasy da basqasha júredi. О́kinishke qaraı, sońǵy kezderi kim jáne qaıda ótkizedi, kádimgideı báseke bolyp ketti. Menińshe, túlekterdiń keshi burynǵydaı ótýi kerek. Bizdiń ata-analarymyz solaı ótkizdi. Biz de mektepte ótkizdik. Sonda naǵyz mekteppen qoshtasý keshi bolady, dedi K.Shámshıdınova Úkimet úıinde ótken baspasóz máslıxatynda.
Mınıstrdiń aıtýynsha, kez kelgen sharada mektep te, ata-analar da balalardyń qaýipsizdigine basa nazar aýdarýy qajet.
Sol sebepti biz ondaı keshter tek mekteptiń terrıtorııasynda ǵana ótýi kerek dep sanaımyn. Artyq aqsha shashýdyń da qajeti joq. Asta-tók otyrys jasamaý kerek. Qymbat kóılek alýdyń da qajeti shamaly. Túlekter keshi ol úshin jasalmaıdy. О́zara báseke úshin jasalmaıdy. Mekteppen qoshtasý keshi janǵa jaıly kezdesý bolyp ótýi kerek. Balalar, ata-analar men muǵalimderdiń salıqaly bir otyrysy bolýy qajet, dep atap kórsetti K.Shámshıdınova.
