Forýmǵa Halyqaralyq olımpıada komıtetiniń barlyq 206 múshesi qatysyp jatyr.
Jıyn barysynda HOK komıssııasynyń 2017 jyly qarashada usynǵan damý strategııasy sóz bolmaq. Naqtylap aıtar bolsaq, álemdegi árbir sportshynyń quqyǵy men mindetteri jáne múmkindikteri týraly másele qozǵalady.
Forýmda qatysýshylar keń kólemdi eki otyrys ótkizip, ortaq máselelerdi ózara talqylaıdy jáne HOK prezıdenti Tomas Bahqa tikeleı suraqtaryn qoıa alady.
Qatysýshylar arasynda Qazaqstan UOK ókili, halyqaralyq qatynastar Departamentiniń dırektory Álimjan Aqaev ta bar.
«Bul sportshylar men jastarǵa jáne dopıngpen kúresý máselelerine arnalǵan óte mańyzdy ári qajetti forým. Jıynda qozǵalǵan suraqtardy biz elimizdegi áriptesterimizben, ıaǵnı, ulttyq federasııa ókilderimen talqylaıtyn bolamyz. Bul sportshylar Komıssııasynyń roli men dopıngke qarsy saıasat, Olımpıadalyq yntymaqtastyq jáne sportshylarǵa arnalǵan halyqaralyq baǵdarlamalar», - deıdi UOK halyqaralyq qatynastar Departamentiniń dırektory Álimjan Aqaev.
