Baspasóz-týryna Nıderlandy, Germanııa, Túrkııa, Japonııa, Fransııa, Koreıa, QHR, Italııa jáne Ulybrıtanııa jýrnalısteri qatysty.
Altynkólde bas ınjener Maqsat Mambetqulov Jetigen – Memshekara ýchaskesinde ornalasqan klastan tys stansııa jumysy týraly aıtyp berdi. Bul 2012 jyly ashylǵan ekinshi qazaqstandyq-qytaılyq temirjol ótpesi. Stansııa arqyly Qytaıdan Eýropaǵa, Parsy shyǵanaǵy elderine, Ortalyq Azııaǵa, Qapkazǵa júkaǵany ótedi.
Osy jerde vagondardy jedeldete tekserý men ótkizý úshin ozyq tehnologııalar men zamanaýı ınfraqurylymdar qurylǵan.
Konteınerlik poıyzdardy jóneltýge aıryqsha nazar aýdarylyp keledi. 2018 jyly 916 konteınerlik poıyz jóneltilse, al 2019 jyldyń birinshi toqsanynda – Iran, Aýǵanstan, О́zbekstan, Reseı, Belarýs, Polsha jáne Germanııaǵa belgilengen 180 konteınerlik poıyz.
«Qorǵas – Shyǵys qaqpasy» AEA basqarýshy kompanııanyń bas operasııalyq dırektory Belmashı Hısham arnaıy ekonomıkalyq aýmaq qatysýshylary júzege asyryp jatqan ınvestısııalyq jobalar jaıyn pash etti.
«Qorǵas – Shyǵys qaqpasy» AEA Qytaıdan Ortalyq Azııaǵa tutynýshylarǵa júkterdi jedeldetip jetkizý úshin balamaly sheshimdi usyna otyryp, Jańa Jibek ekonomıkalyq belbeýin qurýǵa tolyq mánde yqpal etýge múmkindik beredi.
Bul eń aldymen Kedendik odaq elderi úshin jáne odan ary Parsy shyǵanaǵy elderi men Túrkııa, Ortalyq Azııa, Qytaı, Eýropa naryǵyna ary qaraı eksporttaıtyn perspektıvaly dıstrıbýsııalyq ortalyǵy.
AEA qatysýshylary bolyp 83 kompanııa tirkelgen, solardyń 27 jer ýchaskelerin alǵan jáne ınvestısııalyq jobalardy júzege asyrýǵa kirisip ketken.
BAQ ókilderine «Qorǵas – Shyǵys qaqpasy» AEA qurǵaq portynyń múmkindikteri kórsetildi. 2018 jyly «KTZE – Khorgos Gateway» port operatorymen 130 myń JFE (jıyrmafýnttyq ekvıvalent), búgingi tańda – qazirdiń ózinde 20 myń.
Jýrnalıster sonymen qatar «Qorǵas» Halyqaralyq shekaralyq yńtymaqtastyq ortalyǵynda da boldy.HShYO barý úshin Qazaqstan, Qytaı jáne ózge de elder turǵyndaryna vıza rásimdeýdiń qajeti joq. Kelýshiler sanynyń turaqty artyp kele jatqany baıqalady, 2015 pen 2018 jyldary qazaqstandyq taraptan 3,5 mln týrıst bolsa, qytaılyq taraptan – 10 mln adam kelip ketken.
«Qazaqstan temir joly» UK» AQ baspasóz qyzmeti
