Baıqaý «Týǵan Elge Saıahat» balalar ekskýrsııalyq poıyzy» jobasyna daryndy balalardy irikteýge arnalǵan. Baıqaýǵa 11 jastan 15 jas aralyǵyndaǵy «Men óz óńirimde neni ózgertkim keledi» nemese «О́z qalamdy ne úshin jaqsy kóremin» taqyrybynda vıdeoúndeý, shyǵarma nemese óleń shýmaqtaryn jazǵan balalar qatysa alady. Jumystary mazmundylyǵy, biregeıligi jáne shyǵarmashylyq kózqarasymen erekshelengen qatysýshylar Qazaqstan boıynsha ekskýrsııalyq týrǵa joldama alady.
Baıqaý 2019 jyldyń 15 sáýir jáne 17 mamyr aralyǵynda ótedi. Shyǵarmashylyq jumystar poezd2019@list.ru elektrondyq poshtasy arqyly qabyldanady. Úmitkerler baıqaýǵa tek bir ǵana jumys joldaı alady. Nátıjelerdi qorytyndylaý men jeńimpazdardy anyqtaý 2019 jyldyń 17-25 mamyr aralyǵynda ótedi.
«Týǵan elge saıahat» balalar ekskýrsııalyq poıyz» jobasy balalardyń jan-jaqty damýyna, qorshaǵan álemge qyzyǵýshylyǵyn arttyrýǵa, eldiń tarıhı jáne sáýlet eskertkishterimen tanysyp, patrıotızmdi nyǵaıtýǵa baǵyttalǵan. Joba sheńberinde balalar elimiz boıynsha tegin ekskýrsııalyq týrǵa attanyp, Qazaqstannyń tanymdyq jáne tarıhı eskertkishteri ornalasqan óńirlerin aralaıdy. Poıyz Nur-Sultan – Baıqońyr – Taraz – Almaty – Balhash – Nur-Sultan baǵyty boıynsha júredi.
Budan basqa, oqýshylarmen barlyq týr boıy tárbıeshiler men pedagogtar jumys jasaıdy, balalarǵa arnaıy qyzyǵýshylyqtary boıynsha túrli ıntellektýaldy úıirmeler, aǵylshyn tili kýrstary, sporttyq oıyndar jáne t.b. qarastyrylǵan.
