Qazaqstannyń О́zbekstandaǵy jyly saltanatty jaǵdaıda ashyldy

Qazaqstan Prezıdenti Qasym-Jomart Toqaev saltanatty rásimde sóılegen só­zinde О́zbekstan Respýblıkasynyń Pre­zıdenti Shavkat Mırzııoevke jáne ózbek halqyna jyly qarsy alyp, qonaq­jaı­lylyq kórsetkeni úshin rızashylyǵyn bildirdi. 

– Bizdi tilimizdiń birligi, dinimiz, ortaq tarıhymyz ben birtutas taǵdy­ry­myz biriktiredi. Halyqtarymyz – Or­ta­lyq Azııadaǵy ejelgi ári uly órkenıet­tiń murageri. Biz dástúrimizdi, babala­ry­myzdyń qundylyqtary men mádenı-tarıhı muralaryn saqtap qaldyq. So­nymen qatar kóptegen qıyn synaqtardy bas­tan ótkerdik, – dedi Memleket basshysy.

Qasym-Jomart Toqaev Qazaqstan men О́zbekstan arasyndaǵy strategııalyq áriptestik pen jemisti yntymaqtastyqtyń qazirgi kezeńdegi joǵary deńgeıge kóterilgen tarıhı dostyqtyń qısyndy jalǵasy ekenin aıtty.

– Shekara mańyndaǵy yntymaqtastyq nyǵaıyp, taýar aınalymy ósip keledi. Búginde Qazaqstan-О́zbekstan qarym-qatynastarynda sheshilmegen eshqandaı másele joq ekenin naqty aıta alamyn. Qazaqstan Respýblıkasynyń Tuńǵysh Pre­zıdenti – Elbasy Nursultan Nazarbaev pen qurmetti Prezıdent Shavkat Mırzııoevtiń arqasynda qazaq-ózbek qatynastary joǵary deńgeıge kóterildi, – dedi Qazaqstan Prezıdenti.

Memleket basshysy uly Abaıdyń qazaqtarǵa baýyrlas ózbek halqynyń eńbekqorlyǵyn, qaıyrymdy isteri men qa­rapaıymdylyǵyn úlgi etip, úırený­ge shaqyrǵanyn aıtyp, О́zbekstan bas­shylyǵyna qazaq mádenıetin qoldaǵany úshin rızashylyǵyn bildirdi.

– Prezıdent Shavkat Mırzııoevtiń «Qazaqtyń uly aqyny hám oıshyly Abaı Qunanbaevtyń shyǵarmashylyq murasyn keńinen oqý men nasıhattaý týraly» qaýlysy aıasynda atqarylǵan aýqymdy sharalar úshin rızashylyǵymdy bildiremin, – dedi Qasym-Jomart Toqaev.

Memleket basshysy Qazaqstandaǵy ózbek dıasporasyn qoldaý sharalaryna jeke toqtaldy.

– Biz óz elimizde ómir súrip jatqan ózbek halqynyń rýhanı, áleýmettik qajet­ti­likterin tolyq qanaǵattandyrý úshin jan-jaqty sharalar jasap jatyrmyz. Qazaqstannyń barlyq derlik óńirinde ózbek etnomádenı birlestikteri ashylǵan. О́zbek tili Qazaqstannyń medıa salasynda, bilim júıesinde jáne mádenı ómirinde ornyn alǵan. Eki ózbek teatry tabysty jumys isteýde, – dedi Qasym-Jomart Toqaev.

Qasym-Jomart Toqaev birlesken 200-den astam sharany qamtyǵan О́z­bek­stannyń Qazaqstandaǵy jyly ekijaqty baılanystyń nyǵaıýyna yqpal etkenin atap ótip, Shymkentte ótken alǵashqy О́ńiraralyq forýmǵa erekshe toqtaldy.

– Ekijaqty taýar aınalymyn 5 mıllıard dollarǵa jetkizý týraly maq­sa­tymyzǵa birtindep jaqyndap kelemiz. Kólik qatynastarynyń qarqynyn arttyrý boıynsha jumystar júrgizilýde. Biz­diń elderimizdiń kólik-logıstıkalyq ınfra­qurylymdarynyń damýy Eýropa men Azııa naryqtaryna shyǵýǵa múmkindikter ashady, – dedi Qazaqstan Prezıdenti.

Memleket basshysy Qazaqstannyń О́zbekstandaǵy jyly eki el qarym-qa­ty­nasy úshin ǵana emes, tutas Ortalyq Azııa­da ózara túsinistik jáne senim aýanynyń qalyptasýy úshin mańyzy bar aıtýly oqıǵa ekenin atap ótti.

– Ortalyq Azııanyń tabysty ekono­mı­kalyq damýy, turaqtylyǵy men qaýip­sizdigi, negizinen, Qazaqstan men О́zbek­stannyń tyǵyz yqpaldastyǵy men keli­silgen is-áreketterine baılanysty. Shuǵyl túrde túrki dúnıesiniń ǵana emes, álem­dik mádenıettiń maqtanyshyna aınalǵan bizdiń elderimizdiń basty rýhanı jáne tarıhı ortalyqtaryn bir-birimen baılanystyratyn Túrkistan, Samarqand, Buharany bir baǵytqa qosatyn týrıstik klaster ashýdy usynamyn, – dedi Memleket basshysy.

Qazaqstan Prezıdenti sóziniń sońynda ata-babalarymyz mura etip qaldyrǵan qazaq-ózbek halyqtarynyń dostyǵy men birligin saqtaý qazirgi urpaqtyń ortaq paryzy ekenin atap ótip, Qazaqstannyń О́zbekstandaǵy jylyn ashyq dep jarııa­lady.

Saltanatty rásim Álibek Dinishev, Aıman Musaqojaeva, Medet Shotabaev, Nurlan Bekmuhambetov, Dımash Qudaı­bergen, Marııa Mýdrıak syndy Qazaq­stan óneriniń qaıratkerleri men sahna she­berleri, shyǵarmashylyq ujymdarynyń qa­tysýymen ótken gala-konsertpen qory­tyndylandy.