Jıynda jer qoınaýyn paıdalanýǵa arnalǵan kelisim sharttar boıynsha júrgizilip jatqan jumystardyń barysy jáne jer qoınaýyn zańsyz paıdalanýdy toqtatý týraly oblystyq tabıǵı resýrstar jáne tabıǵat paıdalanýdy retteý basqarmasynyń mindetin atqarýshy G.Sametova baıandama jasady.
«Oblys aýmaǵynda búgingi tańda jalpy sany 190 jer qoınaýyn paıdalanýǵa kelisimsharttar tirkelgen. Onyń ishinde, qatty paıdaly qazbalar boıynsha – 38, jerasty sýlary boıynsha – 28, keń taralǵan paıdaly qazbalar boıynsha – 124 kelisimsharttyń 10-y barlaýǵa jáne 112-si óndirýge berilgen. Keń taralǵan paıdaly qazbalar boıynsha, tasshaǵal, kum, topyraq, gıps, as tuzy ák-tas sekildi paıdaly qazbalary óndiriledi. 2018 jyly kelisimshart mindettemelerin oryndamaǵan – 69, aǵymdaǵy jyldyń I-toqsanynda 29 jer qoınaýyn paıdalanýshyǵa eskertý hattary joldanyp, 15 jer qoınaýyn paıdalanýshynyń kelisimsharttarynyń kúshi birjaqtama joıyldy. Kúrdeli máseleniń biri – ózen arnalarynda, aýyl sharýashylyǵy jerlerinde paıdaly qazbalardy zańsyz paıdalaný derekteriniń oryn alýy. Prokýratýra organdarymen birlesip, keń taralǵan paıdaly qazbalardy óz betinshe paıdalanýdy toqtatý úshin oblys ákimdigi jáne múddeli memlekettik organdarmen birlesken óńirlik is-shara jospary ázirlendi», – dedi G. Sametova.
Basqarma basshysynyń baıandamasyn tyńdaǵan oblys ákimi О́mirzaq Estaıuly jer qoınaýyn paıdalanýshylardyń kelisimsharttaryn túgel qaıta tekserip, oblystyq komıssııa qurýdy tapsyrdy. Sondaı-aq, shart negizin buzǵan kez kelgen jer qoınaýyn paıdalanýshymen kelisim buzylatynyn aıtty.
