Eske salaıyq, 26 naýryz ben 26 mamyr aralyǵynda elordada jalpyqalalyq «Nur-Sultan – taza ári qaýipsiz qala» aksııasy ótkiziledi. Onyń aıasynda qalanyń barlyq aýdandarynda aýmaqty sanıtarlyq tazalaý, abattandyrý jáne kógaldandyrý sharalary júrgizilmek. Senbilikter 20 sáýir men 11 mamyr aralyǵynda ótkiziletin bolady.
20 sáýirde qalalyq jáne respýblıkalyq organdar men uıymdardyń qatysýymen aǵashtardy otyrǵyzý naýqany ótedi dep josparlanýda. Jalpylaı alǵanda, aǵashtardyń 1665 taly egilmek. Budan bólek, gazondardy retke keltirý, aǵashtardy aqtaý jáne belgilenbegen jerlerde qalyptasqan qoqys oryndaryn joıý jumystary júrgiziledi.
Ekologııalyq aksııaǵa 100 myńnan astam adam qatysady dep kútilýde.
Jalpyqalalyq «Nur-Sultan – taza ári qaýipsiz qala» aksııasynyń basynan elordalyq kásiporyndar, PIK jáne kommýnaldyq qyzmetteri qoqystyń 1299,15 tonnasyn jınap, qala syrtyna shyǵardy.
