Joǵary bilimdi dárigerler men orta bilimdi medısına qyzmetkerlerin qosqanda, barlyǵy myń qaraly medısına mamany qajet. Aýyldyq eldi mekenderde 100 dárigerge, orta medısına mamandarynan akýsherka men feldsherlerge zárýlik basym.
Oblystyq densaýlyq saqtaý basqarmasynyń basshysy Vıacheslav Dýdnık Arqalyq, Jitiqara qalalary men Naýryzym, Qarabalyq aýdandarynda akýsher-gınekolog, Altynsarın, Qamysty, Naýyrzym, Taran, Qarasý aýdandarynda reanımatolog dárigerdiń joq ekenin aıtty.
«Mamandarmen qamtamasyz etýde birshama jumystar da júrgizilip keledi. Mysaly ótken jyly mamandarǵa bir ret beriletin járdemaqy men baspana alý jáne páter jaldaýǵa 56 mıllıon teńge jumsaldy. 2018 jyly jergilikti bıýdjetten 400 mıllıon teńge qarjy bólip, elimizdegi jetekshi medına joǵary oqý oryndarynda 100 dáriger daıyndaý jumysy bastaldy» dedi Vıacheslav Iýrevıch.
Oblys ákimdigi bıyldan bastap oblysqa kelgen medısına mamandaryna arnap birinshi ret turǵyn úı salýdy josparlap otyr. Alqa otyrysyna qatysqan oblys ákimi Arhımed Muhambetov medısına mamandaryn járdemaqy men baspanamen qamtamasyz etýdi qaıta qaraý kerektigin aıtty.
«Osy baǵdarlama bastaý alǵan 2008-2009 jyldary ár maman járdemaqyǵa 170-180 myń teńge alatyn. Ol ýaqyttaǵy ólshemmen bul olarǵa ájeptáýir kómek bolatyn, al qazir olaı emes, kómek, járdemaqy úshin bul azdyq etedi. Al baspanany satyp alý ózektiligin joıǵan joq, 1,5 myń aılyq kórsetkish, aýyldy jerlerde 3 mıllıon teńgege jaqsy úı satyp alýǵa bolady. Sondyqtan qalaǵa keletin mamandarǵa bıyl bir ret kórsetiletin járdemaqy úshin 100 mıllıon teńge, al aýylǵa baratyn mamandar úshin 134 mıllıon teńge bólinedi» dedi Arhımed Begejanuly.
Shamalap aıtqanda 134 mıllıon teńge aýyldyq jerlerge baratyn 100 mamanǵa materıaldyq kómek kórsetýge, 100 mıllıon teńge qalaǵa keletin 70 mamanǵa járdemaqy berýge jetip qalatynyn aıtyldy.
Qostanaı
