2019 jyly joǵary bilim berý salasyna erekshe nazar aýdarylyp otyr. Búginde «Adaldyq alańy» joba keńseleri respýblıka boıynsha adaldyq pen ádep qaǵıdatyn nasıhattap júr. Barlyq jerde satýshysyz jumys jasaıtyn adaldyq dúkenderi ashylýda. Kez kelgen adam qalaǵan zatyn alyp, arnaıy kassaǵa tıisti qarjyny salady. Nur-Sultan qalasynyń barlyq joǵary oqý oryndarynda osyndaı dúkender ashyldy, dedi ol.
Joba jetekshisi osyndaı jolmen jas jetkinshekter ádildikti boıyna sińirip ósedi dep senetinin basa aıtty.
Sondaı-aq, elordanyń barlyq joǵary oqý oryndarynda arnaıy Halyqqa qyzmet kórsetý ortalyqtary ashyldy. Bul ortalyqtarda stýdentter men talapkerler ýnıversıtettiń barlyq qyzmetterin jyldam ári tez ala alady. Birinshi jáne ekinshi kýrs stýdentterine arnalǵan «Sybaılas jemqorlyqqa qarsy mádenıettiń negizderi» tańdamalyq páni jumys isteıdi, dedi J.Jylqyshıeva.
Onyń atap ótýinshe, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń mamandary stýdentterge turaqty negizde dáris oqıdy.
Joba keńsesi agenttiktiń elordalyq departamentimen birlesip, sybaılas jemqorlyqqa qarsy taqyrypta is-sharalar: shyǵarmashylyq konkýrstar, debat oıyndary, sporttyq saıystar ótkizip turady, dedi joba jetekshisi.
