Áýejaıdyń dıspetcherlik qyzmetinen málim etkendeı, aýa raıynyń qolaısyzdyǵyna baılanysty ushaqtardy qabyldaý jáne attaný kestesine ózgeris engizildi. Atap aıtqanda, tańǵy 04:55-te áýege kóterilýi tıis bolǵan «Atyraý - Amsterdam» reısiniń ushaǵy 19:05-ke kóshirildi. Al Almatydan ushyp shyqqan bort Aqtóbege qonǵan. Saǵat 14:20-da Astanaǵa ushýy tıis bolǵan reıs 23:55-ke qaldyryldy. Sondaı-aq «Atyraý - Oral» reısi toqtatyldy. Búgin oryndalǵan jalǵyz jergilikti reıs - «Atyraý - Teńiz» baǵyty boldy.
Eske salaıyq, seısenbi kúni Atyraýda nóserli jańbyr bastalyp, ol búgin tańerteń tolastady. Jańbyrdan keıin aýa temperatýrasy kúrt tómendep, qalyń qar jaýǵan bolatyn. Aýa raıynyń qolaısyzdyǵynan, tipti, birinshi aýysymdaǵy oqýshylarǵa sabaq bolǵan joq. Elektr jelilerine qar jabysyp qalǵandyqtan, symdar úzildi. Qalada jáne qala mańyndaǵy úılerge elektr berýdi qalpyna keltirý úshin «Atyraý Jaryq» AQ-nyń 25 brıgadasy jumys istep jatyr.
