Qabyldaýda bolǵan 40 adamnyń 24-i turǵyn úı máselesin sheshýdi surady.
Shahar basshysynyń orynbasary jeńildikti baspana alý kezeginiń qurylý tártibi týraly, páterge muqtaj jandardyń memleket tarapynan qandaı qoldaýǵa ıe bola alatyndyǵy týraly aıtyp berdi. Pedagogter, dárigerler men qalalyq polısııa departamentiniń qyzmetkerlerine páter satyp alýǵa bastapqy jarnany tóleý úshin somasy 1 mıllıondy quraıtyn turǵyn úı sertıfıkattaryn ala alatyndyǵy belgili. Alaıda ony alý úshin azamattardyń Turǵynúıqurylysjınaqbankindegi shotynda kem degende ózderi jınaǵan 1 mıllıon teńgesi bolýy shart.
Kópbalaly otbasylarǵa Elbasynyń tapsyrmasy boıynsha jyldyq paıyzdyq mólsherlemesi 2% quraıtyn jeńildikti ıpotekalyq qaryzdar usynylatyn bolady. Atalmysh sharalar QR Úkimeti «Jeńildikti ıpotekany usyný erejerlerin» bekitkennen keıin ǵana kúshine enedi.
Nur-Sultan qalasynyń turǵyny Z. Nıkıtına óziniń turǵyn úı máselesin sheshýdi ótindi. Onyń 6 jasar balasy óte sırek kezdesetin ıhtıoz aýrýyna shaldyqqan. Bala kúnine birneshe ret jýynýy qajet. Al jeke úı ortalyqtandyrylǵan sý júıesine qosylmaǵan. Qala ákiminiń orynbasary aýdan ákimdigine tıisti aýmaqqa sý qubyryn tartý, al medısınalyq mekemelerge balany qajetti dári-dármektermen qamtamasyz etý múmkindigin qarastyrýdy tapsyrdy.
N. Halıýlına qabyldaýǵa merziminen buryn týǵan óz balasynyń ómirin aman saqtap qalǵany úshin qalalyq №1 balalar aýrýhanasynyń bas dárigeri Larısa Pavloveske alǵysyn bildirý nıetimen jazylypty. Balanyń salmaǵy 730 grammdy quraǵan bolatyn. Aýrýhanada jatqanda onyń ókpesi 7 aı boıy jasandy túrde jeldetildi. Qazir bala 2,4 jasta. Ol áli de ońaltýdan ótýde.
Zeınetker Iý. Býdrıkas ózine shıpajaı emin usynýdy surady. Qyzmet Býrabaı shıpajaıynyń aýmaǵynda ornalasqan «Qarttar, múgedekter men múgedek balalardy ońaltý ortalyǵy» ShJQ-da kórsetiledi. Ol aıyna 540 adamdy qabyldaı alady. Mundaǵy qyzmet túrlerimen 3 myńnan astam zeınetker qamtylady. Al elordada turatyn zeınetkerlerdiń sany 80 myńnan asady. Aǵymdaǵy jyldyń 3 qańtarynan 2019 jylǵy shıpajaılyq emdi qabyldaýǵa sankur.astana.kz. saıty arqyly elektrondy formatta jazylýǵa bolady. Búgingi tańda oryndardyń tolymdylyǵy qalyptasqan. Osyǵan oraı tek 2019 jyldyń aıaǵyna deıingi rezertik tizimderge jazylý múmkin bolyp otyr. Ol úshin elektrondy sandyq qoltańba qajet.
K. Tashmetova ózine jumysqa ornalasýǵa kómektesýdi ótindi. Nur-Sultan ákimdiginiń Jumyspen qamtý ortalyǵynda oǵan is júrgizýshiniń bos jumys orny bar ekendigi aıtylyp, qalalyq balalar aýrýhanasyna jáne №44 orta mektepke jodama berildi.
Munymen qosa, elordada http:/www.enbek.kz/ru elektrondy eńbek bırjasy jumys isteıdi. Portalda túıindemeni ornalastyryp, kez kelgen ýaqytta úıden shyqpaı-aq naryqtaǵy bos jumys oryndary týraly aqparatty alýǵa bolady.
