«Jarys túrli qashyqtyqtar boıynsha ótip, kópshilik nazaryna «Ekıden»» estafetasyn usynamyz. Bul saıysta alty adam alma-kezek júgiredi. Barlyq qonaqtardy jármeńkege shaqyramyz. Sol sharaǵa tirkelgender sport pen týrızm salalarynda jumys isteıtin kóptegen kompanııalar men brendterdi kórip,solardyń jańa ónimdermen tanysa alady» , - deıdi «Almaty marafonynyń» dırektory Saltanat Qazybaeva.
«Almaty marafony» sporttyq jármeńkesi Balýan Sholaq atyndaǵy sport saraıynda19-20 sáýir kúnderi saǵat 10.00-den 21.00-ge deıin jumys isteıdi. Qazaqstannyń barlyq óńirinen kelgen 30 sporttyq eksponenter kópshilik nazaryna usynylady.
«Jármeńkege túrli uıymdar, federasııalar, fıtness-klýbtar jáne sporttyq qural-jabdyqtar, tamaq, kıim-keshek óndirýshiler qatysady. Qyzyqty baǵdarlamalar uıymdastyrylyp, lotoreıa oınatylady. Eýropadaǵy marafondarda 35-40 myń adamnyń jınalatyny belgili. Al «Almaty marafony» bıyl 17 myń jelaıaqtyń basyn qosqaly jatyr. Solardyń 1,5 myńy túrli kompanııalarda jumys isteıtin sheteldik azamattar», - deıdi osy sharany uıymdastyrýshylardyń biri Bagaýdın Bekov.
Almaty polısııasy departamenti, qalalyq sport basqarmasy jáne «Smelost byt pervym» korporatıvtik qory marafon aıaqtalǵanǵa deıin shahardaǵy keıbir kóshelerdiń jabylatynyn eskertedi.
