Bes kúndik semınar «BI-Zhuldiz-Ai» korporatıvtik qorynyń kómegimen uıymdastyryldy. Shara balalar praktıkasynda tótenshe jaǵdaılar boıynsha otandyq anestezıologtar men reanımatologtardy oqytý, sondaı-aq balalardyń týa bitken aqaýlaryn hırýrgııalyq emdeýdiń zamanaýı ádisterin úıretý maqsatynda ótkizilip otyr. Kýrsqa qatysýshylar – astanalyq jáne aımaqtyq dárigerler.
Oqý-ádistemelik operasııalardy Albreht atyndaǵy Sankt-Peterbýrg medısınalyq-áleýmettik saraptama, protezdeý jáne múgedekterdi ońaltý ǵylymı-praktıkalyq ortalyǵynyń jetekshi professory Igor Shvedovchenko jáne Sankt-Peterbýrg qalasynyń múgedekterge arnalǵan medısınalyq-áleýmettik saraptama, protezdeý jáne ońaltý ǵylymı-praktıkalyq ortalyǵynyń №1 balalar ortopedııalyq bólimshesiniń meńgerýshisi Andreı Kolsov júrgizýde.
«Osy sapar barysynda biz mıkrohırýrgııalyq eki operasııa jasadyq, bireýi óte kúrdeli, ekinshisi de ońaı emes. Al erteń taǵy bir mıkrohırýrgııalyq operasııa jasalady dep josparlanǵan. Otalardyń qıyndyǵy nede? Bul operasııalar óte mańyzdy logıstıkalyq qoldaýdy qajet etedi. Bizge jumys mıkroskopy, arnaıy shtapeldi materıal, jaqsy quraldar qajet. Munyń bári osynda bar. Ekinshiden, bul pasıentterge ádette jaqsy anestezıolog qajet. Bul joly Sankt-Peterbýrgtyń tanymal anestezıologtary bizben birge kelgeni óte jaqsy. Osy joly biz 14 balaǵa operasııa jasaıtyn bolamyz», – dedi Igor Shvedovchenko.
Budan basqa, reseılik dárigerler qaladaǵy ońaltý ortalyqtaryn aralady.
«Onda biz balalardyń ońaltý rásiminen qalaı ótetinin qaraımyz, hırýrgııalyq emdelýge muqtaj adamdardy tańdaımyz, buryn ózimiz operasııa istegen balalarymyzdyń nátıjelerine qaraımyz», – dep túsindirdi ol.
Shvedovchenko №2 qalalyq balalar aýrýhanasynyń bazasyn joǵary baǵalady.
«Mysaly, eger biz bul bólimdi 2,5 jyl burynǵy bólimmen salystyrsaq, arasy jer men kókteı. Aýrýhana óte jaqsy jabdyqtalǵan. Sizdiń dárigerlerińiz biz bastaǵan kóptegen operasııalardy ózderi ıgerip jasap jatyr. Bul óte jaqsy», – dedi Shvedovchenko.
