Jaına Shekerbekova (51 keli) tóreshilerdiń biraýyzdan shyǵarǵan sheshimi boıynsha Serbııa chempıony Nına Radovanovıchti jeńip ketti. Karına Ibragımova túrkııalyq Islem Ferchıchıden basym tústi. Al Aıjan Hodjabekova ýkraınalyq Marııa Pasechnoımen qolǵap túıistirip, baǵy jandy.
О́kinishke oraı, Aıgerim Qasenaeva (51 keli), Dámetken Kelimbet (57 keli) jáne Baıan Aqbaeva (69 keli) jarys jolynan shyǵyp qaldy. Sondaı-aq, búgin Álııa Ábdraımova (64 keli) sharshy alańǵa shyǵady.
Qazaqstandyq boksshy qyz horvatııalyq Maııa Sarıchpen judyryqtasyp, fınaldyq joldamaǵa talasatyn bolady. Jerebe tartý rásimi boıynsha, Álııa týrnırdi jartylaı fınaldyq kezeńnen bastaıdy.
Esterińizge sala ketsek, Aıda Ońdash pen Ýmıda Sadyqova birden fınaldyq básekede baq synaıtyn bolady. Osylaısha, qazaqstandyq qurama Serbııadaǵy týrnırde 6 medalden úmitti ekenderin málimdedi.
