«100 jylǵa jýyq tarıhy bar «Qazaq» radıosynyń Altyn qorynda saqtalǵan rýhanı muralarymyzdy jaryqqa shyǵarý óte mańyzdy ári eleýli oqıǵa dep oılaımyn. Tuńǵysh Prezıdentimiz N. Nazarbaevtyń «Uly dalanyń jeti qyry» dep atalatyn maqalasy osy eki tomdyq jınaqty shyǵarýǵa túrtki boldy. Eń aldymen, bul joba arqyly balalarymyzdyń sanasyna babalarymyzdyń baı murasyn sińiremiz», - dedi QR Aqparat jáne qoǵamdyq damý mınıstri Dáýren Abaev Ortalyq kommýnıkasııalar qyzmetinde ótken baspasóz máslıhatynda.
Atalǵan jınaqqa Qazaq radıosynyń «Altyn qorynda» 1948 jyldan beri saqtalǵan halqymyzdyń mádenı muralary, san ǵasyrlyq tarıhqa toly shyǵarmalary – ertegiler, batyrlar jyry, aıtys óneri, sheshendik sózder, jyr-dastandar, kúı-termeler jáne t.b endi.
«Uly dalamyzdyń folklorymen ósken urpaq eshqashan utylmaıdy. О́ıtkeni, bizdiń ertegilerimiz, batyrlar jyry, ańyzdarymyzda da babalar amanaty, qazaqtyń bolmysy beınelengen. «Dala folklorynyń antologııasy» jınaǵynyń taǵy bir ereksheligi, bul kitaptyń ishindegi arnaıy dıskilerge jazylǵan ánder alǵashqy oryndaýshylardyń únimen túpnusqa qalpynda enip otyr», - dedi Dáýren Abaev.
Jınaqta HIH ǵasyrdaǵy halyq kompozıtorlarynan án úırenip, olardyń bizdiń zamanymyzǵa deıin úzilmeı jetýine úles qosqan barlyq ónerpaz qamtylǵan. Atap aıtqanda, Ámire Qashaýbaevtyń “Balqadıshasy”, “Dýdaraıy”, “Jalǵyz arshasy” men “Besqarageri” bar. Kenen Ázirbaevtyń “Kók sholaǵyn”, “Boztorǵaıyn”, “Bulbulǵa” jáne “Dombyrasyn” tyńdaýǵa bolady. Manarbek Erjanov, Qalı Baıjanov, Baıǵabyl Jylqybaev syndy daýylpaz jyrshylardyń áni de osy jınaqqa engizilgen. Kúıge kelsek, Dına Nurpeıisova, Jappas Qalambaev, Ábiken Hasenov pen Maǵaýııa Hamzınniń oryndaýyndaǵy qundy shyǵarmalar toptastyrylǵan.
