«Azııa chempıonatyna daıyndyq óz máresine jetip qaldy, desek te tolyq boldy. Jarys aldynda nátıje týraly aıtýdy men unatpaımyn. О́ıtkeni, ózińdi qalaı kórsetetinińdi jáne bári qalaı bolatynyn eshqashan bilmeısiń ǵoı. Osy dodada jaqsy óner kórsetken soń, álem chempıonatyna qatysý úshin barymdy salatyn bolamyn. Men tek joǵary nátıjelerge umtylamyn jáne óz maqsatyma jetý úshin qoldan kelgenin jasaımyn.
Mysaly, qazir jattyǵýlar non-stop rejıminde ótip jatyr. Alaıda start aldynda ózime qoıylǵan salmaqty sál azaıttyq. Sebebi, maýsymnyń basy - bul árdaıym tolqýly sát jáne sen shyn máninde nege daıyn ekenińdi bilmeısiń. Jalpy alǵanda, daıyndyq jemisti ótti deýge bolady. Eń bastysy - jaraqat joq. Al álem chempıonatynan keıin Olımpıada týraly oılaýǵa da bolady. Sol jaqta, Qudaı qalasa, ózimdi joǵary dárejede kórsetemin»,- deıdi Mıhına.
Esterińzige sala ketsek, Azııa chempıonatynyń jeńimpazdary birden 2019 jylǵy Álem chempıonatynyń qatysýshysy atanady. Kontınentaldyq chempıonatta Qazaqstandy 25 sportshy tanystyrady.
