Atalǵan forýmǵa ATÝ-dyń ár jyldardaǵy túlekteri – qazirgi óndiristik kompanııalardyń basshylary, jeke kásipkerler, óner adamdary shaqyryldy. Túlekter forýmyn ótkizýdiń negizgi ıdeıasy – ýnıversıtet pen túlekter arasyndaǵy baılanysty nyǵaıta otyryp, ýnıversıtetti ár jyldary bitirgen urpaqtardyń bas qosýy.
Alǵashqy sóz Almaty tehnologııalyq ýnıversıtetiniń rektory, akademık Talǵat Qulajanovqa berildi. "Oqý ordamyzdyń túlekteri – bizdiń maqtanyshymyz. Osy ýaqytqa deıin biz tehnologııalyq mamandyqtar boıynsha bilikti mamandar daıyndadyq. Olar respýblıkamyzdyń ekonomıkasyn, áleýetin jaqsartý úshin óz úlesterin qosýda. ATÝ-da bilim alǵan árbir stýdent bilikti maman bolyp, kásibı deńgeıge jetip, óz mansabyn jasady. Túlekterimiz respýblıkamyzdyń túkpir-túkpirinde qyzmet atqarýda. Biz árbir túlegimizben maqtanamyz!", - dep rektor ATÝ túlekterine jyly lebizin jetkizdi.
Budan keıin ATÝ túlegi, belgili akter, prodıýser Farhad Abdraımov sahnaǵa shyqty. Ol kelgen qonaqtardy quttyqtaı otyryp, ózi bilim alǵan oqý ordasyna alǵysyn bildirdi. Kelesi quttyqtaý sóz 2017-jylǵy «Qazaqstan arýy», 2008-jyly «Álem arýy», «Miss Global International - 2011» sulýlyq baıqaýynyń jeńimpazy, ýnıversıtet túlegi Alfına Nasyrovaǵa berildi. Forýmǵa kelgen qonaqtar men ýnıversıtet túlekterine rızashylyǵyn bildirgen Alfına Nasyrova Almaty tehnologııalyq ýnıversıtetinde bilim alǵanyn maqtanysh tutatynyn aıtty.
Kelesi bolyp sahnaǵa ATÝ Qamqorshylyq Keńesiniń tóraǵasy, Qazaqstannyń taǵam kásiporyndarynyń vıse-prezıdenti, ATÝ túlegi Marına Sabralıeva, ATÝ Qamqorshylyq Keńesiniń múshesi, «Bekker ı K» JShS kondıterlik ónimder jáne nan pisirý óndirisiniń dırektory Nasıma Qalıeva, ATÝ Qamqorshylyq Keńesiniń múshesi, ATÝ professory, Qazaqstannyń jeńil ónerkásip kásiporyndary qaýymdastyǵynyń Prezıdenti Lıýbov Hýdova shyǵyp, forýmǵa kelgen qonaqtarǵa óz quttyqtaýlaryn jetkizdi. Aıta keteıik, ATÝ Qamqorshylyq Keńesi bilim sapasyn arttyrýǵa, sondaı-aq, ýnıversıtet stýdentteri úshin tájirıbeden ótýge óz yqpaldaryn tıgizip júr.
ATÝ túlegi, ánshi Erlan Orynbasarov stýdenttik shaqtaǵy qyzyqtarymen bólise otyryp, jary Baıan Nurmysheva ekeýi ásem ánderimen sharanyń sánin kirgizdi.
Forým barysynda júrgizýshiler qonaqtarǵa ATÝ Qamqorshylyq Keńesiniń bastamasy boıynsha qurylǵan «Endaýment ATÝ» korporatıvtik qorynyń jumysyn aıtyp ótti. Qordyń qarjy resýrstary talantty jastardy, ǵylymı zertteýlerdi, áleýmettik jaǵynan osal toptardy qoldaý jáne basqa da mańyzdy maqsattarǵa jumsalady. Osy ýaqytqa deıin qordyń qalyptasýyna eleýli úles qosqan seriktester - «KassanovInvestmentGroup (KIG)» kompanııalarynyń basshysy Zııatdın Kasanov, «Efes Kazahstan» kompanııasynyń bas dırektory Omer Ýmıt, «Bahýs» AQ-nyń bas dırektory Anatolıı Kıselev jáne Almaty tehnologııalyq ýnıversıtetiniń oqý-ádistemelik jumystar jónindegi prorektory, tehnıka ǵylymdarynyń doktory, professor Lıazzat Baıbolova. Atalǵan seriktesterge «Endaýment ATÝ» qorynyń atynan «Altyn mesenat» marapaty tabystaldy.
Budan soń sahnaǵa «Endaýment ATÝ» korporatıvtik qorynyń startap-jobalary men baıqaýlarynyń jeńimpazdary ortaǵa shaqyryldy. Atap aıtqanda, Endaýment ATÝ» korporatıvti qory «Kettik Qazaqstan» startap jobasynyń jeńimpazy, taǵam óndiristeri fakýltetiniń 2018-jylǵy túlegi Nursultan Esirkepov, «ITSolutioncentre» startap jobasynyń jeńimpazy, ınınırıng jáne aqparattyq tehnologııalar fakýltetiniń túlegi Nurjan Jumahan, «Úzdik stýdent» baıqaýynyń jeńimpazdary taǵam óndiristeri fakýltetiniń stýdenty Islam Gabdýlhalı jáne ekonomıka jáne bıznes fakýltetiniń stýdenti Islam Seıthazın ortaǵa shyǵyp, «Endaýment ATÝ» qoryna rızashylyqtaryn bildirdi.
Shara barysynda "Endaýment ATÝ" qory janyndaǵy Túlekter qaýymdastyǵy men Qamqorshylyq keńesiniń bastamasymen Rodık Gaıkovıch Mnasakanıan atyndaǵy maqsatty kapıtal ashylǵandyǵy týraly qonaqtarǵa habarlandy. Kelesi bolyp sahnaǵa Armenııa Respýblıkasynyń Almaty qalasyndaǵy konsýlynyń kómekshisi Aram Navasardıan shyǵyp, qonaqtarǵa quttyqtaýyn jetkizdi.
Shara barysynda ýnıversıtettiń talantty stýdentteri án jáne bı ónerlerin ortaǵa saldy. Ýnıversıtet stýdentterinen qurylǵan «Tumar» bı ansambli de myń buralǵan bılerimen kórermenniń yqylasyna bólendi. Sondaı-aq, forým aıasynda «О́z jolyńdy tańda!» atty úlekter jármeńkesi ótti. Jyl saıyn ótetin ATÝ túlekteriniń jármeńkesi – ýnıversıtet pen jumys berýshiler arasyndaǵy yntymaqtastyqtyń tıimdi túrine aınalyp keledi. Jármeńkeniń negizgi maqsaty – túlekter men jumys berýshilerdi kezdestirý.
Forým ATÝ stýdentterinen quralǵan vokal úıirmesiniń qatysýshylarynyń oryndaýyndaǵy «Atameken» ánimen aıaqtaldy. Kelgen qonaqtar men túlekter forýmnan kóńilderi kóterińki kúıde tarady.
