Dárigerler neıronavıgasııa qoldanyp omyrtqaǵa - 24, vertebroplastıka boıynsha - 34, torakoplastıka - 11, artroskopııa - 380, endokorrektor spondılodez – 34 operasııa, 161 adamnyń urshyq býynyn, 129 naýqastyń tize býynyn tolyq aýystyrdy.
Elimizde joǵary tehnologııaly medısınalyq qyzmetter TMKK aıasynda azamattarǵa tegin kórsetiledi. Negizi, bir operasııanyń quny 170 myńnan bastalyp, 1,7 mln teńgege deıin jetedi.
2015-2018 jyldary «Travmatologııa jáne ortopedııa» boıynsha joǵarytehnologııaly medısınalyq qyzmet sany 3360-tan 3813 ósti. Mysaly, tize býynyn endoprotezdeý - 470-ten 594, jambas býyny – 712-den 741, artroskopııalyq operasııa – 1247-den 1288 artqan.
Sondaı-aq, Travmatologııa jáne ortopedııa ǵylymı-zertteý ınstıtýtynda Shemirshek tinin ósirýde kletkalyq tehnologııany paıdalaný da damyp keledi.
Eske sala keteıik, QR DSM Travmatologııa ǵylymı-zertteý ınstıtýty ǵylymı-tájirıbelik jáne uıymdastyrý-ádistemelik ortalyq bola otyryp, óz salasynda kóshbasshylyq oryn alady jáne TOǴZI bazasynyń ózinde ǵana emes, sondaı-aq óńirlerge saparlarda oqytý master-klastaryn ótkizý jolymen kadrlyq áleýetti damytýdy júzege asyryp jáne praktıkalyq medısınada ınnovasııalyq ádisterdi engize otyryp QR ortopedııalyq-travmatologııalyq qyzmetti damytýǵa aıtarlyqtaı úles qosady.
Instıtýtta ashylǵan kúninen bastap joǵary tehnologııaly operasııalar, sonyń ishinde turaqty negizde tize jáne ıyq býyndaryna artroskopııalyq aralasýlar oryndalady (býynnyń ishki bóliginiń zaqymdanýyn dıagnostıkalaý jáne/nemese emdeý maqsatynda júzege asyrylatyn az ınvazıvti hırýrgııalyq manıpýlıasııa. 1 sm tilik arqyly júrgiziledi). 2018 jyly TOǴZI bazasynda ásirese rekonstrýksııalaý sıpatta 1288 asa artroskopııalyq aralasýlar oryndaldy.
Sondaı-aq shemirshek tininiń patologııasyn túzetýde jasýshalyq tehnologııa belsendi ázirlenip engizilýde (pasıent tininiń bazasynda jasýshalardy ósirý). Ulttyq bıotehnologııa ortalyǵymen birge sınovıaldy qabyqtyń aýtologııalyq mezenhımaldy diń jasýshalaryn ósirý ádistemesi ázirlendi, klınıkaǵa deıingi zertteýler kezeńi ótti, qazirgi ýaqytta klınıkalyq tájirıbege engizý júrgizilýde.
