Synaqtan súrinbedi
Seısenbi, 6 qarasha 2012 7:12
Quqyq qorǵaý organdary qyzmetkerlerin attestattaý barysy kúnnen-kúnge jańa qarqyn ala túsýde. Soǵan saı sońǵy kezderi quqyq qorǵaý salasynyń materıaldyq-tehnıkalyq bazasy nyǵaıyp keledi. Byltyr oblysta bul baǵytqa 3,7 mıllıard teńge bólindi. Basqarýdyń avtomatty júıesi engizilip, sońǵy úlgidegi beınebaqylaý keńinen qoldanylady. Osyndaı ozyq ádis-tásilderdiń kómegimen ondaǵan qylmys izi sýymaı áshkerelendi. Jýyrda iske qosylǵan prosessıngtik ortalyqtyń ıgi járdemi mol. Jaqynda tártip saqshylaryna sý jańa kólikter kilti tabys etildi.
Seısenbi, 6 qarasha 2012 7:12
Quqyq qorǵaý organdary qyzmetkerlerin attestattaý barysy kúnnen-kúnge jańa qarqyn ala túsýde. Soǵan saı sońǵy kezderi quqyq qorǵaý salasynyń materıaldyq-tehnıkalyq bazasy nyǵaıyp keledi. Byltyr oblysta bul baǵytqa 3,7 mıllıard teńge bólindi. Basqarýdyń avtomatty júıesi engizilip, sońǵy úlgidegi beınebaqylaý keńinen qoldanylady. Osyndaı ozyq ádis-tásilderdiń kómegimen ondaǵan qylmys izi sýymaı áshkerelendi. Jýyrda iske qosylǵan prosessıngtik ortalyqtyń ıgi járdemi mol. Jaqynda tártip saqshylaryna sý jańa kólikter kilti tabys etildi.
Aıtýly shara beıbit kúnderde el tynyshtyǵyn qorǵaý jolynda erlikpen qaza tapqan tártip saqshylarynyń eskertkishine taǵzym etýden bastaldy. Osy kúni OIID-niń jedel basqarý ortalyǵynda murajaıdyń tusaýkeseri ótti. Oǵan tórt myńnan astam eksponattar qoıylǵan. Budan keıin Ishki ister mınıstriniń orynbasary, general-maıor Amantaı Kúreńbekov pen oblys ákimi Serik Bilálov ortalyq alańda sap túzegen polısııa qyzmetkerlerin quttyqtap, sý jańa 21 jeńil kóliktiń kiltterin saltanatty jaǵdaıda tapsyrdy. Qalalyq ishki ister basqarmasy janynan ashylǵan krımınalıstıkalyq polıgon qoǵamdyq tártip kúzetinde júrgen polıseılerdiń jumysyn jeńildete túseri anyq. Pogodın atyndaǵy orys drama teatrynda ótken saltanatty sharada óz mindetterin minsiz atqaryp júrgen bir top qoǵamdyq tártip saqshylaryna ishki ister mınıstrliginiń, oblys ákiminiń qurmet gramotalary men alǵys hattary tapsyryldy. Osynda mektep oqýshylary arasynda uıymdastyrylǵan «Meniń qazaqstandyq polısııam» baıqaýynyń qorytyndysy shyǵarylyp, jeńimpazdar marapattaldy. «Soltústik Qazaqstannyń polısııasy: Borysh. Batyldyq. Erlik» atty kitaptyń tusaýy kesildi.
О́mir ESQALI,
«Egemen Qazaqstan».
Soltústik Qazaqstan oblysy.
