Tyıym salý týraly aıtyldy
Beısenbi, 22 qarasha 2012 7:22
Keshe Bas prokýratýranyń resmı ókili Nurdáýlet Súıindikov Aqtaýdaǵy sot isine baılanysty habar berdi. Ol 19 qarashada Mańǵystaý oblysynyń sotynda áleýmettik arazdyqty qozdyrý, bılikti kúshtep qulatýǵa shaqyrý, uıymdasqan top qurý jáne ony basqarý derekteri boıynsha Aqtaý qalalyq sotynyń 2012 jylǵy 8 qazandaǵy úkimine Vladımır Kozlov pen onyń qorǵaýshylarynyń apellıasııalyq shaǵymdary qaralǵandyǵyn aıtty.
Beısenbi, 22 qarasha 2012 7:22
Keshe Bas prokýratýranyń resmı ókili Nurdáýlet Súıindikov Aqtaýdaǵy sot isine baılanysty habar berdi. Ol 19 qarashada Mańǵystaý oblysynyń sotynda áleýmettik arazdyqty qozdyrý, bılikti kúshtep qulatýǵa shaqyrý, uıymdasqan top qurý jáne ony basqarý derekteri boıynsha Aqtaý qalalyq sotynyń 2012 jylǵy 8 qazandaǵy úkimine Vladımır Kozlov pen onyń qorǵaýshylarynyń apellıasııalyq shaǵymdary qaralǵandyǵyn aıtty.
Qylmystyq is materıaldaryn jáne aıyptalýshy men onyń qorǵaýshylarynyń keltirgen barlyq ýájderin zerdeleý nátıjesi boıynsha birinshi satydaǵy sot úkimi ózgerissiz, al apellıasııalyq shaǵymdar qanaǵattandyrýsyz qaldyrylǵan. Osylaısha, Vladımır Kozlovqa, Serik Saparǵalıǵa jáne Aqjanat Amınovke qatysty úkim zańdy kúshine engen.
Degenmen, sottalǵandar sot úkimine kassasııalyq jáne qadaǵalaý tártibinde shaǵymdanýǵa quqyly.
О́z kezeginde atalǵan tulǵalarǵa qatysty sot isti qaraýdyń jan-jaqtylyq, taraptardyń básekelestik jáne teń quqyqtylyq qaǵaıdattary saqtala otyryp, ashyq rejimde ótkendigin atap ótý qajet, deıdi resmı ókil. Birinshi jáne apellıasııalyq satydaǵy sottarmen aıyptaý jáne qorǵaýshy taraptarmen usynylǵan dáleldemelerdiń barlyǵy zerdelengen. Saparǵalı men Amınov kinálaryn moıyndap jáne úkimge apellıasııalyq tártipte shaǵym keltirmegen kórinedi.
Deı turǵanmen, Kozlov pen basqalarǵa qatysty zańdy kúshine engen sot úkimimen tirkelmegen «Alǵa» jáne «Halyq maıdany» qoǵamdyq birlestikteriniń, sondaı-aq birqatar buqaralyq aqparat quraldarynyń qyzmeti ekstremıstik sıpatta bolǵandyǵy anyqtaldy, – dedi budan ári N.Súıindikov. Atap aıtqanda, sotpen «Alǵa» jáne «Halyq maıdany» múshelerimen Jańaózen qalasynda ereýilge shyqqan munaıshylar arasynda taratylǵan úndeýler men basqa da baspa ónimderi, sondaı-aq olardyń aldynda sóılegen sózderi áleýmettik arazdyqty qozdyrýǵa baǵyttalǵandyǵy jáne olarda bılikti kúshtep qulatýǵa úndeýler bar ekendigi anyqtalypty.
Sonymen birge, sottyń úkiminde «K+» telearnasy, «Stan-TV», «Respýblıka» ınternet-portaldary materıaldarynyń, «Respýblıka», «Golos Respýblıkı», «Vzglıad» gazertteriniń tujyrymdamalyq mátini áleýmettik arazdyq qozdyrýǵa baǵyttalsa, «K+» telearnasynyń, «Vzglıad», «Golos Respýblıkı» gazetteriniń, «Respýblıka», «Stan-TV» ınternet-portaldarynyń jarııalymdarynyń taldaýynda bılikti kúshtep basyp alýdy jáne memlekettiń qaýipsizdigine nuqsan keltirýdi nasıhattaýlar bar ekendigi kórsetilgen, dep atap ótti resmı ókil.
Sottyń bul tujyrymdary birqatar sot saraptamalarynyń qorytyndylarymen qýattalǵan. О́ıtkeni, Qazaqstan Respýblıkasynyń «Ekstremızmge qarsy is-qımyl týraly» zańyna sáıkes jeke tulǵalar birlestigi ekstremızmdi júzege asyrǵan jaǵdaıda sot tártibimen olardyń qyzmetine tyıym salynýy tıis.
Ekstremızmdi nasıhattaý buqaralyq aqparat quralynyń shyǵarylýyn ne buqaralyq aqparat quraly óniminiń taratylýyn toqtatýǵa negiz bolyp tabylady (Qazaqstan Respýblıkasynyń «Buqaralyq aqparat quraldary týraly» Zańynyń 13-baby). Osy oraıda Qylmystyq is júrgizý kodeksine sáıkes (131-bap) sottyń zańdy kúshine engen úkimi anyqtalǵan mán-jaılarǵa da, olardyń quqyqtyq baǵalanýyna da qatysty barlyq memlekettik organdar úshin mindetti bolyp tabylady.
Al osy aıtylǵandardy eskere otyryp, 2012 jyldyń 20 qarashasynda Almaty qalasynyń prokýratýrasy kelesi talaptarmen jáne aryzdarmen sotqa júgingen. Onda: tirkelmegen «Alǵa» jáne «Halyq maıdany» qoǵamdyq birlestikterin ekstremıstik dep taný jáne olardyń qyzmetine Qazaqstan Respýblıkasy aýmaǵynda tyıym salý; 8 gazet pen 23 ınternet-resýrsyn biryńǵaı «Respýblıka» buqaralyq aqparat quraly dep taný jáne onyń shyǵarylýyna jáne Qazaqstan Respýblıkasy aýmaǵynda taratylýyna tyıym salý; «Vzglıad» gazetiniń jáne ony qaıtalaıtyn ınternet-resýrstardyń shyǵarylýyna jáne Qazaqstan Respýblıkasy aýmaǵynda taratylýyna tyıym salý; sheteldik buqaralyq aqparat quraly – «K+» telearnasynyń jáne ony qaıtalaıtyn ınternet-resýrstardyń ónimderiniń Qazaqstan Respýblıkasy aýmaǵynda taratylýyna tyıym salý; sheteldik buqaralyq aqparat quraly – «stan.tv» ınternet beıneportaly ónimderiniń Qazaqstan Respýblıkasy aýmaǵynda taratylýyna tyıym salý týraly aıtyldy, dedi N.Súıindikov.
Aleksandr TASBOLATOV,
«Egemen Qazaqstan».
