Jas pen jasamys
Juma, 6 qańtar 2012 7:03
– Ata, atasy-aý! Haýyzǵa osylaı jıi kelesiz be?
– Iá, qalqam. Álgi qurdasymdy toqaly qoıarda-qoımaı shaqyryp ketpegende, bul haýyzdyń túpki qyzyǵyna endi keneler edik… Myna syradan alyp otyrsaıshy.
– Mundaı haramǵa meniń aýzym berik edi.
Juma, 6 qańtar 2012 7:03
– Ata, atasy-aý! Haýyzǵa osylaı jıi kelesiz be?
– Iá, qalqam. Álgi qurdasymdy toqaly qoıarda-qoımaı shaqyryp ketpegende, bul haýyzdyń túpki qyzyǵyna endi keneler edik… Myna syradan alyp otyrsaıshy.
– Mundaı haramǵa meniń aýzym berik edi.
– Jap-jas bop, á? Otyzdan endi asqan shyǵarsyń? Bar qyzyqtan erte túńilgeniń ne, shyraǵym-aý?
– Naǵashy atamnyń baýyrynda óskenmin. Jaryqtyq, dindar kisi edi. Imandylyqqa baýlyǵany úshin máńgilik qaryzdarmyn!
– Biz de kóshten qalyp júrgenimiz joq!
– Jetpisten astym dedińiz, óńińiz keremet saqtalǵan!
– Shúkir, kóńil toq! Qaltam qalyń. Zeınet jastyń da óz qyzyǵy jeterlik eken. Álgi qurdasymnyń jetelep aparmaıtyn jeri joq… Jasaryp júrgenimizdiń bir syry sol degendeı… Sosyn, vıskı ishseń, júrek qyzynyp, qan atoılaıdy…
– Endi, ata, rýhanı jaǵynan da oıdaǵydaı dem alatyn shyǵarsyzdar? Basqasyna artyq ketpeıikshi.
– Qımyldy kúıttep bılıardqa barsaq, álgi «jetekshim» sońynda kútpegen qyzyqqa batyrady-aı kep. Qalaı bultarasyń, ıkemine kónesiń.
– Kitap oqý jaǵyna qalaısyz?
– Tú-ý, myna syranyń salqynyn-aı! Kekirik atqyzdy-aý. Ańqam keýip otyr edi, lezde basty. Ne dediń jańa?
– Kitap oqısyz ba dep suradym.
– Ol jaǵynan uıattymyn. Álgi dosym keıde tyqpalap oqytady. Qazir… Avtoryn umyttym… «Beıpil sózder» degen tamasha kitapty basyma jastanyp oqyp jatyrmyn.
– Estimeppin ondaı kitapty. Atalýy qandaı jaman!
– Nesi jaman. О́ıtip beker shoshyma sen. Qazaqtyń erotıkalyq folklory eken. О́mirimde súısinip oqyǵan jalǵyz kitabym osy shyǵar.
– Men toıdym, ata! Jınalaıyn.
– Bir urttam syra ishken joqsyń. Nemenege toıyndyń? О́ıtip sen qyrsyqpa, bala! Keleke qylma meni. Toıdym deıdi… Jas basyńmen bárinen qur qalyp, nendeı ushpaqqa jetpekshisiń? Erteń meniń jasyma kelgende, ómirdi qalaı súrmeksiń? Bar qyzyqty tárk etip… Mezgilinen buryn qytymyr, qaýsaǵan shalǵa aınalarsyń, myna túrińmen! Ýh-ýh, júregim qolqamdy sýyratyndaı aptyǵyp atqylaıtyn bolǵany nesi…
Qaısar ÁLIM.
