Komanda esebi tabylǵan amal ma?
Seısenbi, 3 sáýir 2012 8:20
Elbasy Nursultan Nazarbaev bildeı mekemege bilikti dep taǵaıyndaǵan azamattardyń bara salyp óz komandasyn jınaıtynyn áldeneshe ret synǵa alǵan edi. Biraq tizgin-shylbyrdy qolǵa ala salyp, bar bılik mende dep tóńiregine tamyr-tanysyn, jaqyn-juraǵatyn, taǵy basqalardy jııatyndar aıylyn tartar emes. El kórip, bilip otyrsa da Prezıdent sózin syrttaı qabyldaǵanmen, ishki esepterinen jańylmaı keledi.
Seısenbi, 3 sáýir 2012 8:20
Elbasy Nursultan Nazarbaev bildeı mekemege bilikti dep taǵaıyndaǵan azamattardyń bara salyp óz komandasyn jınaıtynyn áldeneshe ret synǵa alǵan edi. Biraq tizgin-shylbyrdy qolǵa ala salyp, bar bılik mende dep tóńiregine tamyr-tanysyn, jaqyn-juraǵatyn, taǵy basqalardy jııatyndar aıylyn tartar emes. El kórip, bilip otyrsa da Prezıdent sózin syrttaı qabyldaǵanmen, ishki esepterinen jańylmaı keledi.
Biz keıde ózimizde bar jumysshylardy ákeledi dep sheteldikterge renish bildiretinimiz bar. Al bizdiń «komandashylar» qazir olardan kem soǵyp júrgen joq. Mekeme qojaıyny ketedi eken dese, ondaǵy qyzmetkerlerdiń úreıi ushady. Jańa basshy kelgennen bastap jumysymda qaldyra ma álde syrǵytyp jibere me dep ári-sári kúı keshedi. Mundaıda is ońa ma? Birin ketirip, birin keltirip júrip ózi taıyp «jyǵylatyn» basshylar da joq emes. Eń bastysy – álgi ketkender men kelgenderdiń biligi Elbasynyń bıylǵy Joldaýynda aıtylǵandaı: «…bilimi men kásibıligi, joǵary moraldyq sıpaty, bastamashyldyǵy men tapsyrylǵan ýchaskedegi jumysynyń tabystylyǵy ólshemderi» talapqa saı ma degendi saralap kóretin ýaqyt jetken sekildi.
Mysaly, bir mekemeniń, ne joǵary oqý ornynyń basshysy aýyssa, alyp kel, baryp kel deıtin «qolbalasynan» bastap, tóńiregi túgel «jańaryp» shyǵa keledi. Bul jerde qol ıinine tartatyn basshy men ertip júretin «qosshylarynyń» ishki baqaıesepteri de jatatynyn ekiniń biri biledi. Bul Alla aldynda alalaý, obal-saýap bar ǵoı demeý, óz «komandam» dep erip kelgenderge tolyqtaı jaǵdaı jasaý, osy rette, tipti, ákele salyp úı berý – sanaǵa syımaıtyn is. Al eń qıyny, sondaılardyń kesirinen Elbasy aıtqan, máselen, qoljetimdi baspanaǵa naqty muqtaj jandardyń keıinge ysyrylyp, úkilegen úmiti jelge ushatyny ókinishti-aq.
Saban astynan sý jibergendeı, keıbir basshylardyń az jurtty osylaısha alalaıtynyn eshkim joqqa shyǵara almas. Osy bir keleńsizdikti kórgende, komanda – esebi tabylǵan amal ma deýge týra keledi-aq.
Súleımen MÁMET.
