Dittegen toǵyzdan – bes joldama
Seısenbi, 3 sáýir 2012 7:32
Astanada Elbasy N.Nazarbaevtyń júldesi úshin kúres túrlerinen ótken halyqaralyq týrnır aıaqtaldy. Oǵan Azııanyń 22 elinen balýandar qatysyp, úsh kún boıy sary qurlyq boıynsha London Olımpıadasynyń lısenzııasyn sarapqa saldy.
Osy dodada Qazaqstan balýandary bes joldamany jeńip aldy. Erkin kúresten Aqjúrek Tańatarov (66 kg) pen Murad Mýtalımov (120 kg), grek-rım kúresinen Darhan Baıahmetov (66 kg), Danıal Gadjıev (84 kg), áıelder kúresinen Elena Shalygına (63 kg) Olımpıada joldamasyna ıe boldy. Sonyń ishinde grek-rım balýandary men Elena Shalygına týrnırdiń jeńimpazy atansa, erkin kúres sheberleri kúmis medaldy qanaǵat tutty.
Seısenbi, 3 sáýir 2012 7:32
Astanada Elbasy N.Nazarbaevtyń júldesi úshin kúres túrlerinen ótken halyqaralyq týrnır aıaqtaldy. Oǵan Azııanyń 22 elinen balýandar qatysyp, úsh kún boıy sary qurlyq boıynsha London Olımpıadasynyń lısenzııasyn sarapqa saldy.
Osy dodada Qazaqstan balýandary bes joldamany jeńip aldy. Erkin kúresten Aqjúrek Tańatarov (66 kg) pen Murad Mýtalımov (120 kg), grek-rım kúresinen Darhan Baıahmetov (66 kg), Danıal Gadjıev (84 kg), áıelder kúresinen Elena Shalygına (63 kg) Olımpıada joldamasyna ıe boldy. Sonyń ishinde grek-rım balýandary men Elena Shalygına týrnırdiń jeńimpazy atansa, erkin kúres sheberleri kúmis medaldy qanaǵat tutty.
Negizi biz osy týrnırde 9 lısenzııany jeńip alýdy maqsat etken bolatynbyz. Atap aıtqanda, bizge grek-rım kúresinen – 4, áıelder kúresinen – 2 jáne erkin kúresten 3 joldamany jeńip alý kerek bolatyn. Alaıda, týrnır bastalysymen bári biz oılaǵandaı bolmady. Áýeli erkin kúreste 84 kılodaǵy Semen Semenov fınalǵa shyǵa almaı, jartylaı fınalda Iran balýanynan utylyp, joldamadan qaǵylyp qaldy. Ol el chempıony Qanat Berdıevtiń ornyna shyǵyp, óner kórsetti. Al Berdıevke dárigerler jaraqatyna baılanysty jarysqa qatysýǵa ruqsat bermedi. Biraq, onyń Qytaı men Fınlıandııada ótetin álem chempıonatyna qatysýǵa da múmkindigi bar. Osy synǵa endi Semenov ekeýiniń bireýi qatysatyn bolady.
Al keshegi týrnırde, jańa aıtqanymyzdaı, erkin kúres balýandarynyń arasynan bizge tek eki joldama ǵana buıyrdy. Aqjúrek Tańatarov fınalda ózbek Naýryzovtan altyn júldege qolsozym jerde súrinse, Mýtalımov ta ózbekstandyq Olımpıada chempıony Taımazovtan jeńilýge májbúr boldy.
Grek-rım kúresinde de 4 joldama alamyz dep eki joldamany qanaǵat tuttyq. Munda da erkin kúrestegi jaǵdaı qaıtalandy. Máselen, 96 kılo salmaqta kúresken Marǵulan Ásembekovtiń ornyna Erulan Ysqaqov shyǵýy kerek bolatyn. Alaıda, oǵan da dáriger jarysqa qatysýǵa ruqsat bermedi. Sóıtip, Ysqaqovtyń ornyna shyqqan Ásembekov shırek fınalda qarsylasynan utylyp qaldy. Úmit artqan balýandarymyzdyń biri 55 kılodaǵy Ashat Qudaıberdıev te qarsylasynan jeńilýge májbúr boldy. Áıelder kúresinde 55 kg salmaqtaǵy Aıym Ábdildına, ókinishke qaraı, Olımpıada joldamasy beriletin synda úndi qyzy Gıta Gıtaǵa ese jiberdi. Osy úndi qyzy fınalda jeńimpaz atandy.
Mine, osyndaı notada Astanada úsh kúnge sozylǵan týrnır aıaqtaldy. Byltyr Túrkııanyń Ystambul qalasynda ótken álem chempıonatynda 9 joldamany ıelengen jetistigimizdi balýandarymyz bul joly qaıtalaı almady. Al ázirshe, kúres túrlerinen myna balýandarymyz Olımpıada joldamasyn ıelenip otyrǵanyn aıta ketkenimiz jón. Erkin kúresten Dáýlet Nııazymbekov (55 kg), Dáýren Jumaǵazıev (60 kg), Abdýlhakım Shapıev (74 kg), Taımýraz Tıgıev (96 kg), grek-rım kúresinen Almat Kebisbaev (60 kg), Ashat Dilmuhamedov (74 kg), Nurmahan Tinálıev (120 kg), áıelder kúresinen Juldyz Eshimova (84 kg) men Gýzel Manıýrova (71 kg). Erkin kúreste 84 kg, grek-rım kúresinen 55 kg men 96 kg jáne áıelder kúresinde 55 kg salmaqta Olımpıada lısenzııasy bolmaı tur. Olardyń máselesi aldaǵy ýaqytta Qytaı men Fınlıandııada ótetin álem chempıonattarynda sheshiledi.
Dastan KENJALIN.
