«Beıbarys» baǵyndyrǵan bıik
Seısenbi, 8 mamyr 2012 7:14
Atyraýdyń shaıbaly hokkeı komandasy ekinshi ret el chempıony atandy
Muz aıdynynda qarsylastardan aıla asyryp, qarsy komandanyń qaqpasyna shaıba soǵý da ońaı emes. Degenmen, «Beıbarystyń» joly bolyp tur. О́tken jyldarǵy jetistikti aıtpaǵannyń ózinde, bıylǵy maýsymda «Beıbarys» oıynshylary taǵy da bıik beleske balanǵan chempıondyq ataqty jeńip aldy.
Seısenbi, 8 mamyr 2012 7:14
Atyraýdyń shaıbaly hokkeı komandasy ekinshi ret el chempıony atandy
Muz aıdynynda qarsylastardan aıla asyryp, qarsy komandanyń qaqpasyna shaıba soǵý da ońaı emes. Degenmen, «Beıbarystyń» joly bolyp tur. О́tken jyldarǵy jetistikti aıtpaǵannyń ózinde, bıylǵy maýsymda «Beıbarys» oıynshylary taǵy da bıik beleske balanǵan chempıondyq ataqty jeńip aldy.
Hokkeıden el chempıonatynyń kezekti oıyndary ótken jylǵy kúzden beri ótkizilip, bıyl pleı-off oıyndarymen jalǵasyn tapty. Bul oıyn el chempıonatynyń tarıhynda alǵash ret engizilip otyrǵandyqtan, «Beıbarys» oıynshylaryna sheberlikti burynǵydan da shyńdaı túsýge týra keldi. Atyraý hokkeıshilerine úmit artqan jankúıerdiń senimi aqtaldy deýge bolady. Shırek fınaldyq oıyndarda «Almatydan» basym túsken «Beıbarystyń» upaıy eselene tústi. Al Temirtaýdyń «Arystanyn» taza jeńispen utqan Atyraý hokkeıshilerine aqtyq synda qatelikke urynbaý qajettigi júkteldi.
– Bizdiń hokkeıshilerge, – deıdi «Beıbarystyń» bas bapkeri Aleksandr Istomın, – fınaldyq oıynda alty kezdesý ótkizý qajet boldy. Bul – pleı-off oıyndarynyń erejesi. Al qarsylasymyz – «Ertis-Pavlodar» eń azýly komandalardyń biri. Sátti oıyn ótkizip, jeńiske jetý úshin bizge qatelesýge bolmaıdy. О́z oıynshylaryma osyndaı talap qoıdym.
Sóıtip, «Beıbarys» qarsylasymen alǵashqy eki kezdesýdi óz muz aıdynynda kezdesip, ekeýinde de jeńistiń tátti dámin tatty. Alaıda, únemi bulaı bola bermeıdi ǵoı. Kezekti eki oıyn qarsylastar aıdynynda, Pavlodarda ótkende atyraýlyq hokkeıshilerge jeńilistiń ashy dámin tatýyna týra keldi. Jeńiske jetý jolyndaǵy Atyraýda kezekti besinshi oıynda «Beıbarys» oıynshylary taǵy da jeńiske qol sozdy. Alaıda, eń sheshýshi altynshy oıynnyń nátıjesi qalaı bolary belgisiz edi.
Hokkeı jankúıerleriniń 26 sáýirde ótken sheshýshi oıyndy asyǵa kútkeni anyq. О́ıtkeni, dál osy oıynda Qazaqstannyń bıylǵy chempıon komandasy anyqtalatyn edi. Osy matchta jeńis 4:2 esebimen atyraýlyq «Beıbarys» komandasynyń enshisine jazyldy. Oıynnyń ótý barysyna egjeı-tegjeıli toqtalmaı-aq qoıalyq, degenmen, «Beıbarys» komandasy shaıbaly hokkeıden ekinshi márte Qazaqstan chempıony atanǵany Atyraý jurtshylyǵyn aıryqsha qýantqany daýsyz. Chempıonat qorytyndysymen «Beıbarystyń» beldi oıynshylary Mıhaıl Panshın «Úzdik shabýylshy», al Maksım Sharıfıanov «Úzdik oıynshy» atandy.
– Biz sońǵy sheshýshi oıynda qatelikke urynbaýdy basty maqsat ettik. Sol maqsatymyz oryndaldy. Sheshýshi oıyndy sátti ótkizdik. Tóreshiler tarapynan da esh qatelik bolǵan joq. Endi qyrkúıekte bastalatyn kezekti chempıonatqa tyńǵylyqty daıyndyqty bastaımyz, – deıdi «Beıbarysty» ekinshi márte bıik belesti baǵyndyrýǵa jumyldyrǵan bas bapker Aleksandr Istomın.
Aıtpaqshy, Qazaqstan chempıondyǵyn eki ret jeńip alǵan «Beıbarys» komandasy budan bylaı tek Atyraýdyń ǵana emes, el namysyn Eýrolıgada qorǵaý múmkindigine ıe bolyp otyr. Jaqynda oblys ákimdigi komandaǵa 40 mln. teńge bólip, qurmet kórsetti.
Joldasbek ShО́PEǴUL.
Atyraý oblysy.
