Shırek fınal sherýi keldi

Beısenbi, 21 maýsym 2012 7:38

Seısenbi kúnniń keshinde ótkizilgen Anglııa-Ýkraına, Shvesııa-Fransııa komandalary arasyndaǵy matchtarmen toptyq raýnd márege jetti. Bul kezeń sonymen birge chempıonatqa qatysýshylardyń teń jartysyn jarys jolynan shyǵaryp tastady.

Beısenbi, 21 maýsym 2012 7:38

Seısenbi kúnniń keshinde ótkizilgen Anglııa-Ýkraına, Shvesııa-Fransııa komandalary arasyndaǵy matchtarmen toptyq raýnd márege jetti. Bul kezeń sonymen birge chempıonatqa qatysýshylardyń teń jartysyn jarys jolynan shyǵaryp tastady.

Anglııa-Ýkraına – 1:0. Bir nárse aıqyn, Ýkraına quramasy bul joly ótken týrda fransýzdarǵa qarsy oınaǵan oıynynan artyq, al Anglııa shvedtermen shaıqasyn­daǵydan kemdeý óner kórsetti. Bul, aınalyp kelgende, kezdesýdiń óne boıynda ýkraın fýtbolshylarynyń basymdyq kórsetýine aparyp jetkizdi. Biraq kezdesýde nasharlaý oınaǵandar jeńiske jetti de, kerisinshe myqtyraq kóringenderi jeńilistiń ashy dá­min tatýǵa májbúr boldy. Buǵan mol múm­kindikten bir nátıje shyǵara almaǵan ýkraın oıynshylarynyń ózderin kinálaýǵa da bolady, bar páleni sátsizdiktiń aıaqtan shyrmap jibermegenine arta salýdyń da reti keledi. Tóreshilerdiń oralymsyzdyqtary taǵy bar.

Aǵylshyndar oıyndaǵy jalǵyz goldy ózde­riniń alǵashqy qarsy shabýyldarynyń birinde salyp ketti. Ony osy oıynǵa qaty­sa­tyny biraz jyr bolǵan Ýeın Rýnı óziniń ekinshi márte jasaǵan talpynysy kezinde, ekinshi taımnyń ilki shaǵynda baspen uryp túsirdi. Al oǵan deıin ýkraın komandasy sondaı sáttiń birnesheýin bosqa jiberip alǵan edi. Esep ashylǵannan keıin de olar qarsy qaqpaǵa joıqyn joryqtaryn toqtat­qan joq. Aqyrynda olar esepti teńestirý sátine de jetti. Biraq qaqpanyń ústińgi mańdaıshasynyń astynan tıip, aq syzyqtyń arǵy jaǵyna tıip shyqqan dopty «gol» dep baǵalaýǵa arbıtrdiń óresi jetpedi.

Taǵy bir nárse anyq, jarys jolynan erte shyǵyp qalǵanymen, Ýkraına komandasy da horvattar tárizdi bet-júzi uıalmaıtyndaı ónegeli óner kórsetti.

Shvesııa-Fransııa – 2:0. Bul oıynda arystan tulǵaly Skandınavııa aýmaǵynyń jigit­teri jaraly jolbarystyń keıpin tanytty. Kezdesýdiń basynan oıyn tizginin óz qolda­ry­na alǵan olar qarsy qaqpaǵa qaraı jul­qyna shapqylaýdy fınaldyq ysqyryq estil­genshe toqtatpady. Shvedterdiń bul yntaly oıyny ekinshi taımda ǵana golǵa aınaldy. Ony komandanyń lıderi Zlatan Ibragımovıch saldy. «Tre Krýnýr» budan keıin de shabýylyn saıabyrsytpady. Sonyń nátıje­sin­de eń sońǵy mınýtta ekinshi dopty da túsirdi (Sebestıan Larsson). Al osy matchtyń eń úzdik oıynshysy bolyp fransýz qaqpashysy tanylýy da beker emes.

Shvedter, álbette, osy oıynda qandaı bir iri eseppen jeńiske jetse de, shırek fınal­dyń mańaıyna jaqyndap bara almaıtyndaryn jaqsy bildi. Soǵan qaramastan, olar týr­nırden keter kezinde erekshe minez kórse­týge bekem bel baılaǵan eken. Onysy jáne jaqsy shyqty. Demek, alańnan abyroımen ketti.

Endi shırek fınalda Anglııa men Italııa, Fransııa men Ispanııa juptasady.

Búgin – sol pleı-offtyń birinshi oıyny. Al alańǵa Portýgalııa jáne Chehııa qura­ma­la­ry shyǵady.

Serik PIRNAZAR,

«Egemen Qazaqstan».

Match mınıatıýralary

* Burnaǵy kúni ótken Ýkraına-Anglııa, Shvesııa-Fransııa arasyn­daǵy matchtarda 3 gol soǵyldy.

* Chempıonat bastalǵaly beri ótken 26 oıynda barlyǵy 60 gol salyndy. Olardyń árbir matchqa keletin úles salmaǵy – 2,30 dop.

* Dúısenbi kúni eki stadıonda 111 710 adamnyń basy qosyldy. Jalpy, birinshilik basynan bergi kórermen sany 1 068 864 adamǵa toldy.

* Mergender kóshinde eshqandaı ózgeris joq. Onyń basynda 3 gol soqqan shabýylshylar keledi.

* О́tken 2 oıynda oıynshylarǵa 8 eskertý berildi. Sonyń ishinde Anders Svensson (Shvesııa), Fılıp Mekses (Fransııa), Anatolıı Tımoshýk (Ýkraına) ekinshi ret «sary qaǵaz» aldy. Birinshilik bastalǵaly beri 96 fýtbolshyǵa eskertý jasaldy.

* Eki oıynda úzdik oıynshy ataǵyna Ýgo Lerıs (Fransııa) pen Ýeın Rýnı (Anglııa) ıe boldy.

* Osy kezge deıin 3 oıynshy alańnan qýyldy, 1 penaltı bel­gi­len­di, 1 avtogol soǵyldy. Sonymen birge 1 penaltı qaı­taryldy.

Ýkraına quramasynyń  bas jattyqtyrýshysy Oleg Blohın.

Aıtpaqshy…

* Aǵylshyn fanattary otandastary Soýl Kempbel­l­diń ózi shyǵarǵan derekti fılm­de Anglııa quramasy Ýkra­ı­­na­dan tek tabytpen ǵana qaı­ta alady degen oıdy bildi­r­geni úshin qatty qapa boldy. Osyǵan qarsylyq retinde olar keshe Ýkraına-Anglııa mat­chy aldynda Doneskige jýr­nalıske arnalǵan tabytty ala keldi. Tabyt esebinde beınelengen zatty qalanyń ortalyq kóshelerimen alyp ótken jankúıerler aqyrynda Lenın alańyndaǵy ırland pabyna (syrahana) toqtap, májilis qurdy.

* Eýropanyń qaq ortasynda fýtboldan qurlyq chempıonaty qyzyp jatqan­da Armenııanyń astanasy – Erevan qalasynda belgili fýtbolshy Edýard Marka­rovqa qoshemet kórsetý rá­simi bolyp ótti. Kezinde Ba­kýdiń «Neftıanıgi» men Ere­van­nyń «Araraty» sapynda ja­syndaı jarqyldaǵan for­­vardtyń týǵanyna keshe, maýsymnyń 20-sy kúni 70 jyl toldy.

* Reseı quramasynyń shabýylshysy Pavel Pogrebnıak kúni keshe aǵylshynnyń «Redıng» klýbymen 4 jylǵa ke­lisim-shart jasasyp úlgerdi. Bul týraly tvıtterde «Sky Sports» agenttigi habarlady. О́tken maýsymdy 28 jasar fýtbolshy Anglııadaǵy «Fýlhem» komandasynyń sapynda ótkizip edi. Komandada aren­dalyq negizde oınaǵan ol bar-joǵy 12 oıynǵa shyǵyp, 6 gol soqty. Kórsetkish jaman emes. Sodan bolar, oǵan talasýshylar da boldy. Paveldiń qalaǵan klýby endi oǵan 500 myń eýro kóleminde aqy tó­leıdi eken.

* Reseıdiń ondaǵan fýtbol fanattary áli Pol­sha­ tár­tip saqshylarynyń qa­raý­ynda otyr. Olar 12 maýsymda Reseı quramasy­nyń Polshamen, 16 maýsymda Grekııamen ótken match­ta­ry­nan keıin qulyp astyna al­yndy, dep habarlaıdy ITAR-TASS. Jalpy, osy eki kúnde reseılik 27 jan­kúıer ustalypty. Qazir qa­maýdaǵylardan bólek 17 adam túrli jazalar alyp ta úlgeripti: birqatary aıyp­puldar tóleýge májbúr etil­se, taǵy birqatary birneshe aıǵa bas bostandyǵynan aıyrylǵan.

* ÝEFA Germanııa fýtbol odaǵyna qarsy tártiptik is ashty. Ol 17 maýsym kúni Lvovta Germanııa men Danııa quramalary arasyndaǵy oıynda oryn alǵan oqıǵalarǵa baılanysty kóterildi. GFR fýtboly basshylary osy el­diń jankúıerleri match kezin­de otshashýlar jaǵyp, ruqsat etilmegen bannerler men nyshandardy alyp shyǵyp, osy­ǵan mazmundas urandar aıt­qandary úshin jazyqty bolyp otyr. ÝEFA-nyń baqy­laý-tártiptik ınstansııasy isti 23 maýsymda qaraıdy.

* Ýkraına quramasynyń juldyzy Andreı Shevchen­ko­­nyń Anglııamen oıyny onyń oıynshylyq mansa­by­nyń qurama sapyndaǵy eń sońǵy resmı matchy boldy. «Degenmen, jaqyn arada Ýkraınada ótetin joldas­tyq kezdesýge shaqyrý alatyn shy­ǵar­myn dep oılaımyn», deıdi 36 jasar fýtbolshy.

Oılar, pikirler, kózqarastar

De ROSSI, Italııa quramasynyń jartylaı qorǵaýshysy:

– Irlandııamen kezdesýimiz jaqsy ótti. Matchtyń aldynda tek óz oıynymyz týraly oılaýymyz kerektigi talaı aıtyldy. Sebebi, ıspandar­dyń jeńetinine eshkimniń kúmáni bolmady. Degenmen, bul jeńistiń olar úshin ońaıǵa túspegenin endi baıqap otyrmyz. Al ır­landyqtar týrnırge óte jaqsy komanda ákelipti. Olar óz jan­kúıer­leriniń qurmetteýine ábden laıyqty. Al tap mundaı ǵajaıyp fanattardy men buryn esh jerde kórgen joqpyn.

Ioahım LEV, Germanııa quramasynyń bas jattyqtyrýshysy:

– Keıbir jýrnalısterdiń suraqtaryna jaýap bereıin, alda Grekııamen ótetin oıynymyzda saıasat eshqandaı da ról oınamaıdy. Ras, qazir saıasat týraly kóp aıtylyp jatyr. Sonyń ishinde Eýroodaq elderiniń ózara qarym-qatynasy da sóz bolýda. Biraq onyń bizge qatysy joq. Quramanyń Angela Merkelmen baılanysy óte jaqsy. Degenmen, biz onymen bylaı keliskenbiz: kansler bizdiń isimizge aralaspaıdy, al bas jattyqtyrýshy saıasatqa basyn suqpaıdy. Durysy – osy. Árkim óz isimen aınalysýy kerek.

Oleg BLOHIN, Ýkraına quramasynyń bas jattyqtyrýshysy:

– Bul neǵylǵan tóreshilik? Dop jarty metr ishkeri qaqpaǵa kirip ketedi, ol muny ańǵarmaıdy. Onda bizge qaqpanyń artynda turatyn besinshi arbıtrdiń ne keregi bar? Terrı óz aıyp alańynda qolymen oınaıdy, tóreshi úndemeıdi, Kerroll bizdiń oıynshyny shyntaǵymen qaǵyp jiberedi, tóreshi taǵy únsiz. Al men myna komanda úshin tıtteı de uıalmaımyn. Ol óte jaqsy oınady jáne jeńiletin reti bolǵan joq.

Qorytyndy týrnır kestesi

S toby