Dzıýdo: Ashat Jıtkeev

Sársenbi, 27 maýsym 2012 6:50

Ulttyq quramanyń ustazdary

Qazaqstan dzıýdoshylarynyń bas jattyqtyrýshysy Ashat Jıtkeev ótken Beıjiń Olımpıadasynda ǵana kúmis medal alyp, elimiz qorjynyna sporttyń bul túri boıynsha birinshi iri júldeni alyp berip edi. Bir qyzyǵy, sol joly Olımpıada tuǵyryna Ashatpen birge kóterilgen úsh sańlaqtyń ekeýi – altyn medal alǵan mońǵol Naıdan Tývshınbaııar men qola medal ıegeri nıderlandylyq Henk Grol osy joly da Tumandy Albıon tórinde óner kórsetpek. Al A.Jıtkeev Anglııaǵa bapker retinde barady.

Sársenbi, 27 maýsym 2012 6:50

Ulttyq quramanyń ustazdary

Qazaqstan dzıýdoshylarynyń bas jattyqtyrýshysy Ashat Jıtkeev ótken Beıjiń Olımpıadasynda ǵana kúmis medal alyp, elimiz qorjynyna sporttyń bul túri boıynsha birinshi iri júldeni alyp berip edi. Bir qyzyǵy, sol joly Olımpıada tuǵyryna Ashatpen birge kóterilgen úsh sańlaqtyń ekeýi – altyn medal alǵan mońǵol Naıdan Tývshınbaııar men qola medal ıegeri nıderlandylyq Henk Grol osy joly da Tumandy Albıon tórinde óner kórsetpek. Al A.Jıtkeev Anglııaǵa bapker retinde barady.

Ashat Rasýluly Jıtkeev 1981 jyly 13 sáýirde Taldyqorǵan qa­la­synda týǵan. Dzıý­dodan Qazaq­stannyń halyqara­lyq dárejedegi sport sheberi. 2008 jylǵy Beıjiń Olımpıadasynyń kúmis júldegeri. Álemniń 2001 jyl­ǵy qola júl­degeri. Azııa oıyn­darynyń 2002, 2006 jyldarǵy jeńimpazy. Azııa­nyń 2003, 2004 jyldarǵy chempıony, 2005 jylǵy kúmis júldegeri. Qazaqstannyń birneshe dúrkin chempıony.

Ashat dzıýdo seksııasynyń esi­gin Saıahat Qudaıbergenovtiń qa­raýyn­da jattyǵýdan attady. Keıi­nirek Jeksenbaı Salamatov pen Saıan Hamıtjanovtyń qaraýlaryna kósh­ti. Sportshylyq jolyndaǵy eń iri tabysyna jetken Beıjiń Olımpıadasynda 100 kıloǵa deıingi sal­maqta kúsh synasqan dzıýdoshy jigit aldymen kýveıttik, sosyn bosnııa­lyq, úshinshi jekpe-jeginde venger qarsylasyn túgeldeı taza («ıppon») jeńdi. Jartylaı fınalda gollan­dııalyq áriptesin upaı sanymen utqan ol fınalda mońǵol jigitine ese jiberip qoıdy. Bul ony kúmis medaldi mise tutýǵa májbúr etti.

Ashat Rasýluly elimizdiń dzıýdo quramasy tizginin 2010 jyl­ǵy jeltoqsan aıynda aldy. Buǵan dzıýdoshylarymyzdyń Qytaıdyń Gýanchjoý qalasynda ótken XVI Jazǵy Azııa oıyndarynda sátsiz óner kórsetýi negiz boldy. Jańa bapkerdiń jasaǵy kúni keshe Tashkentte ótken irikteý týr­nırin keıin álemdik reıtıng boıynsha aldyńǵy qatardan kórinip, 8 lısenzııaǵa qol artty. Komanda jaqyn arada taǵy bir qosymsha joldamaǵa ıe bolyp, olardyń sanyn 9-ǵa jetkizgeli otyr. Al Ashat álemdik reıtıngte birinshi bolyp atalǵan álemniń chempıony jáne álem chempıonatynyń kúmis júlde­geri Maksım Rakovtan kóp úmit kútedi.

Taǵy bir aıta ketetin jáıt, 2008 jyly Beıjiń Olımpıadasy aıaq­tal­ǵan­nan alty kún keıin Ashat Qazaqstannyń myqty voleıbolshy qyzdarynyń biri Elena Pavlovamen úılený toıyn ótkizdi. Osy Oıyndarda Lena da Qazaqstan qura­masy sapynda óner kórsetken edi. Olar budan týra 11 jyl buryn Almaty sport mektep-ınternatynda tanysqan bolatyn. Sodan beri eki jas bir-birine qaraılap, óz sezim­derin synaqtan ótkizip keldi. Qazir bul otbasynda Tomırıs esimdi búldirshin ósip keledi.

Rýslan IGILIK.