Patrıottyq aksııa

Juma, 13 shilde 2012 7:15

Oralda Londonǵa baratyn sportshylar qurmetine arnalyp, Olımpıada alaýy tutandy

Qalamyzdaǵy ásem bezendirilgen P.Atoıan atyndaǵy «Aqjaıyq» stadıonynda  memlekettik rámizderdiń 20 jyldyǵyna oraı jáne London Olımpıadasyna qatysýshy batysqazaqstandyq sportshylarǵa aq jol tileý maqsatynda patrıottyq aksııa ótti. 

Juma, 13 shilde 2012 7:15

Oralda Londonǵa baratyn sportshylar qurmetine arnalyp, Olımpıada alaýy tutandy

Qalamyzdaǵy ásem bezendirilgen P.Atoıan atyndaǵy «Aqjaıyq» stadıonynda  memlekettik rámizderdiń 20 jyldyǵyna oraı jáne London Olımpıadasyna qatysýshy batysqazaqstandyq sportshylarǵa aq jol tileý maqsatynda patrıottyq aksııa ótti. 

Aksııanyń qurmetti qonaqtary bolyp, oblys ákimi Nurlan Noǵaev, 2000 jylǵy Sıdneı Olımpıadasynyń chempıondary jelaıaq Olga Shıshıgına men boksshy Ermahan Ybyraıymov tórge ozdy.

– Tórtkúl dúnıe telmirip kóz tigetin bul jolǵy mereıtoıly Olımpıadaǵa qatysýshylar, árı­ne, myqty sportshylar. Osy sharaǵa qatysý barysynda olar ottan da, sýdan da ótkendikten, biz olardyń tolaǵaı tabystarǵa qol jetkizetinderine senemiz, – degen oblys ákimi Nurlan Asqaruly olarǵa aq jol tiledi.

– Qurmetti halaıyq, kóp ke­shikpeı biz Oralǵa qaıtyp kelemiz. Biraq, ol joly ba­tysqazaq­standyq Olımpıada chempıondaryn quttyq­taýǵa ke­le­miz, – dedi, táýelsiz Qazaq­stan tusynda áıel­der arasynan shyqqan tuńǵysh Olımpıada chempıony Olga Shıshıgına.

– Batys Qazaqstan oblysynda sporttyń barlyq túriniń oıda­ǵy­daı damýyna mol múmkindikter ja­salǵan. Oraldan London Olım­­pıa­dasyna qatysatyn sportshy­lardyń shyǵýy – sonyń nátıjesi. Biz olar­ǵa jasyndaı jarqyraǵan jeńister tileımiz, –  dedi óz sózinde ataqty boksshy Ermahan Ybyraıymov.

Budan soń sahna tórine sport ardageri Batyrhaıyr Áıeshov shy­ǵyp, qolyn jaıyp, Olım­pıadaǵa qatysýshy batysqazaq­standyq sportshylarǵa bata ber­di. Sol-aq eken, ortaǵa quıryq-jaly jel esken aqbozat mingen at sportynyń ókili Raýan Turdy­alıev qolyna Olımpıada alaýyn ustaı shyǵyp, ony álem chem­pıonatynyń kúmis júldegeri, Azııa chempıony, samboshy Medet Ońdaǵanovqa tabystady. Medet óz kezeginde alaýdy dzıýdo kúresinen Qazaqstan chempıony, Azııa chempıonatynyń kúmis júldegeri Ásel Qazıevaǵa berdi. Júzi bal-bul janǵan ol júgir­gennen júgirip otyryp, alaýdy Erbolat Baıbatyrovqa usyndy.

Sambo kúresinen úsh dúrkin Azııa chempıony, eki dúrkin Álem kýbogynyń ıegeri, tórt dúrkin álem chempıony Erbolat Baıbatyrov Olımpıada alaýyn tutatty.

Oral qalasynan London Olım­pıadasyna qatysý baqy­tyna ıe bolǵan sportshylar: Taımuraz Tıgıev, Abdýlhakım Shapıev (ekeýi de erkin kúresten), Alekseı Dergýnov (baıdarka jáne kanoe esý), Danııal Gadjıev (grek-rım kúresi), Grıgorıı Sheıko (sporttyq jaıaý júris), Anastasııa Bannova (sadaq atý).

Talǵat BAISARIN.

Oral.