A.Grıshýk – álem chempıony
Juma, 13 shilde 2012 7:25
Astanada tuńǵysh ret shahmattyń jyldam (rapıd) jáne blıs túrleri boıynsha ótken álem chempıonaty máresine jetti.
Buǵan deıin jyldam shahmat boıynsha ótken jarysta reseılik Sergeı Karıakın álem chempıony atansa, norveg Magnýs Karlsenniń ekinshi, bolgar Veselın Topalovtyń úshinshi oryndy ıelengenin habarlaǵanbyz. Endi, mine, rapıdten syndar ótip, ári qaraı blıstiń fınalyna jalǵasqan jarysta bas júldeni múmkin bolǵan 30 upaıdyń 20-syn jınaǵan reseılik Aleksandr Grıshýk jeńip aldy. Ekinshi oryndy Magnýs Karlsen ıelendi. Ol chempıonnan nebári jarty upaıǵa qalyp qoıdy. Al úshinshi orynǵa tuńǵysh álem chempıony Sergeı Karıakın ıe boldy.
Juma, 13 shilde 2012 7:25
Astanada tuńǵysh ret shahmattyń jyldam (rapıd) jáne blıs túrleri boıynsha ótken álem chempıonaty máresine jetti.
Buǵan deıin jyldam shahmat boıynsha ótken jarysta reseılik Sergeı Karıakın álem chempıony atansa, norveg Magnýs Karlsenniń ekinshi, bolgar Veselın Topalovtyń úshinshi oryndy ıelengenin habarlaǵanbyz. Endi, mine, rapıdten syndar ótip, ári qaraı blıstiń fınalyna jalǵasqan jarysta bas júldeni múmkin bolǵan 30 upaıdyń 20-syn jınaǵan reseılik Aleksandr Grıshýk jeńip aldy. Ekinshi oryndy Magnýs Karlsen ıelendi. Ol chempıonnan nebári jarty upaıǵa qalyp qoıdy. Al úshinshi orynǵa tuńǵysh álem chempıony Sergeı Karıakın ıe boldy.
Sońǵy álem chempıony ataǵy úshin blısten ótken synǵa osylardan basqa taǵy Le Kýang Les, Borıs Gelfand, Teımýr Radjabov, Petr Svıdler, Aleksandr Morozevıch, Veselın Topalov, Dmıtrıı Andreıkın, Shahrıer Mamedıarov, Vasılıı Ivanchýk, Vıorel Bologan, Nıkolaı Chadaev talassa, bizdiń eldiń namysyn Rınat Jumabaev pen Pavel Kosýr qorǵady. Osy eki shahmatshymyz 14 jáne 16 oryndarǵa ıe boldy. Alǵashqysy – 12, ekinshisi 8 upaı jınady.
Endi blısten álem chempıony týraly qysqasha aıtyp ótsek, Aleksandr Grıshýk buǵan deıin de álemdik tájdi basyna ólshep kórgen. Ol 2006 jyly shahmattyń osy túrinen álem chempıony atanǵan bolatyn. Sonymen birge, 2005 jáne 2009 jyldary toptyq álem chempıony bolsa, 2009 jyly Reseı chempıony, 2000 jáne 2002 jyldary Olımpıada chempıony atanǵan. Sodan keıin 2010 jyly Reseı quramynda Olımpıadanyń kúmis júldegeri, kelesi jyly álem chempıondyǵyna úmitkerler jarysynyń jartylaı fınalısi, álem kýbogynyń fınalısi bolǵan. Iri halyqaralyq týrnırlerdiń jeńimpazy, halyqaralyq grossmeıster. Onyń osy kezge deıingi eń joǵarǵy kórsetkishi 2 761 upaı edi. Endi blısten eki dúrkin álem chempıony atanǵanda onyń bul kórsetkishi budan da ósetini sózsiz.
Astanada ótken álemdik básekede A.Grıshýkti basqalardan bir nárse erekshelendirip turdy. Ol jarys kezindegi úziliske deıin shydamaı shylym tartýǵa shyǵyp otyrdy.
Chempıonatta ekinshi-tórtinshi ústelderdi reseılik-ýkraınalyq úsh shahmatshy bólip aldy. Dmıtrıı Andreıkın, Sergeı Karıakın jáne Vasılıı Ivanchýk ózara baq synasyp, aralarynan sýyrylyp shyǵýǵa baryn saldy. Degenmen, sońǵy sátte solardyń ishindegi rapıdten álem chempıony Karıakınniń joly boldy. Bul synda ol 18,5 upaı jınap, úshinshi orynǵa taban tiredi.
Osy oraıda Karıakınniń de blısten álem chempıony ataǵyn jeńip alýǵa múmkindigi bolǵanyn aıta ketý kerek. Chempıonatta buǵan deıin 2004 jyly Ýkraına quramynda Olımpıada chempıony, 2007 jyly álem kýbogynyń júldegeri atanyp, 2010 jyly Reseı quramynda Olımpıadanyń kúmis júldegeri bolǵan shahmatshy óte jaqsy óner kórsetti. Ol Astanaǵa qos birdeı álem chempıonattaryn jeńip alamyn dep te kelgen eken. Biraq, ol bir ǵana álem chempıonatyn jeńip aldy. Onyń ózinde jeńip alǵany qandaı ataq deseńizshi. Tuńǵysh álem chempıony degen ataq. Al Grıshýk bolsa, kerisinshe Astanaǵa múldem álem chempıondyǵyn jeńip alamyn degen maqsatpen kelmegen eken. Ol bul synǵa aýyryp kelip, aýyryp ketti. Jarys boıyna birese oramalmen mańdaıyn basyp, birese kóz-murnyn súrtip otyrǵan shahmatshyny blısten álem chempıony bolady dep kim oılaǵan. Mine, baq degen qaıda jatyr.
Endi kelesi álem chempıonaty tamyz aıynda Túrkııada ótedi. Oǵan, bizdiń quramada Jansaıa Ábdimálik sııaqty eń jas grossmeısterimiz bar, shahmatshylarymyz qatysady.
Dastan KENJALIN,
«Egemen Qazaqstan».
