Oljaly oralýlaryna tilektespiz
Seısenbi, 17 shilde 2012 7:23
Tórt jylda bir aınalyp keletin Olımpııa oıyndarynda tórtkúl dúnıeniń sportshylary jınalyp, baqtaryn synaıdy. Olımpıadaǵa qatysýdy armandamaıtyn sportshy bolmaıdy. Árıne, ár sportshynyń osynaý álem jurtshylyǵy kóz tikken sport dodasynda óz eliniń baıraǵyn jelbiretip, memleketiniń mereıin ústem etýge tyrysatyny da sózsiz.
London Olımpıadasyna joldama alǵan 100-den astam sportshynyń ishinde bizdiń óńirdiń namysyn 62 kılo salmaqtaǵy shtangashy Farhad Harkı men 100, 200 metr qashyqtyqta jáne 4h100 metr estafetada synǵa túsetin sýda júzgish Aleksandr Trabrınniń qorǵaýy kóńilimizdi marqaıtady. Bul búkil sportshy qaýymyn qýanyshqa bóleıdi, keıingi tolqyn balǵyn sportshylardyń jańa bıikterdi baǵyndyrýǵa qozǵaý salady.
Seısenbi, 17 shilde 2012 7:23
Tórt jylda bir aınalyp keletin Olımpııa oıyndarynda tórtkúl dúnıeniń sportshylary jınalyp, baqtaryn synaıdy. Olımpıadaǵa qatysýdy armandamaıtyn sportshy bolmaıdy. Árıne, ár sportshynyń osynaý álem jurtshylyǵy kóz tikken sport dodasynda óz eliniń baıraǵyn jelbiretip, memleketiniń mereıin ústem etýge tyrysatyny da sózsiz.
London Olımpıadasyna joldama alǵan 100-den astam sportshynyń ishinde bizdiń óńirdiń namysyn 62 kılo salmaqtaǵy shtangashy Farhad Harkı men 100, 200 metr qashyqtyqta jáne 4h100 metr estafetada synǵa túsetin sýda júzgish Aleksandr Trabrınniń qorǵaýy kóńilimizdi marqaıtady. Bul búkil sportshy qaýymyn qýanyshqa bóleıdi, keıingi tolqyn balǵyn sportshylardyń jańa bıikterdi baǵyndyrýǵa qozǵaý salady.
Biz jerlesterimizge ǵana emes, búkil qazaqstandyq olımpıadashylarǵa jankúıermiz, olardyń tabysty oralatynyna senimdimiz. Sebebi, egemen elimizde kásibı jáne buqaralyq sportty damytýǵa basymdyq berilýde, jan-jaqty jaǵdaı jasalýda. Sport halyqtar arasyndaǵy birlik pen yntymaqty bekitetin elshi dese de bolǵandaı. Sondaı-aq, jas, táýelsiz memleketimizdi álem jurtshylyǵyna keńinen tanytýdyń da bir múmkindigi dep oılaımyn. Men sportshy retinde Olımpıadaǵa qatysatyn áriptesterimdi túsinemin. Olar úlken tolqý ústinde. Olımpıadada elimizdiń kók baıraǵyn jelbiretsem degen arman qanatynda júrgenderine senimdimin.
«Balasy atqa shapsa, anasy taqymyn qysyp otyrady» degendeı, biz de ár jarysty asyǵa kútemiz. Alysta bolsaq ta ishteı óńirden úkili úmitpen attanǵan Fharkı men Trabrınge qoldaý kórsetip, kókeılerinde qonaqtaǵan bıikterden kórinýlerine tilekshi bolyp otyratynymyz sózsiz. Bizdiń bilýimizshe, ekeýi de jas sportshylar. Baby kelisse, baǵy janady degen oıdamyz. Ásirese, Farhad Harkıdiń el birinshiliginde julqa kóterýde 137 kılo, serpe kóterýde 180 kılo nátıje kórsetip, qossaıysta 317 kılo kótergeni Olımpıadada júldegerler qataryna iligýden úmittendiredi.
Men ózim gir sportymen aınalysamyn. Gir sportynan álemniń birneshe dúrkin chempıonymyn. Sondyqtan da sport jarystaryn jibermeı qaraımyn. Sol dúbirli dodalarda qazaqstandyqtardyń báıge tórinen kóringenine ishim buryp turady. Bul joly da qazaqstandyq sportshylar burynǵy Olımpıadada qol jetken jetistikterden joǵary bıikterdi baǵyndyrady dep oılaımyn. Buǵan berik negiz bar. Olımpıadashylarymyzdyń talaby oń, joly jarqyn bolsyn, laıym.
Evgenıı GONChAROV,
gir sportynan álemniń on bir dúrkin chempıony.
Aqtóbe oblysy.
