Jelaıaq bastaǵan otbasylyq marafon
Juma, 20 shilde 2012 7:26
Ekibastuz – Baıanaýyl – Jasybaı kóli baǵytyna arnaldy
Bul jaıaý jarysty Ekibastuz qalasynyń qurmetti azamaty, Gınnestiń rekordtar kitabyna 7 ret engen sportshy Marat Jylanbaevtyń bastamasymen qalalyq bilim bólimi uıymdastyrdy. Árıne, ekibastuzdyqtar Jylanbaevtaı álemge aty tanylǵan jelaıaqtyń óz qalalarynda turyp jatqanyn maqtan eteri sózsiz.
Juma, 20 shilde 2012 7:26
Ekibastuz – Baıanaýyl – Jasybaı kóli baǵytyna arnaldy
Bul jaıaý jarysty Ekibastuz qalasynyń qurmetti azamaty, Gınnestiń rekordtar kitabyna 7 ret engen sportshy Marat Jylanbaevtyń bastamasymen qalalyq bilim bólimi uıymdastyrdy. Árıne, ekibastuzdyqtar Jylanbaevtaı álemge aty tanylǵan jelaıaqtyń óz qalalarynda turyp jatqanyn maqtan eteri sózsiz.
Sonymen, jaıaý jarys qaladaǵy «Qaınar» bilim berý jáne bos ýaqytty qamtý kesheni alańynan bastaldy. Marafonshylar jarysyna 80-nen astam jaıaý júgirýshi, 12 otbasy jáne «ZIýVS» týrıstik klýbynyń tárbıelenýshileri, muǵalimder, oqýshylar qatysty. Tipti, olardyń arasynda eń jas marafonshylar – 4 jastaǵy Dáýren Masalım men 6 jastaǵy Davıd Ýrsakı da bar bolyp shyqty. Jaıaý júgirýshiler Ekibastuzdan Baıanaýylǵa deıingi 135 shaqyrymdy júgirip ótti. Tańǵy saǵat 7-de olar márege jetti.
Kúnniń aptap ystyǵyna qaramaı óz densaýlyqtaryn shyńdap, salamatty ómir salatyn qoldaıtyn jaıaý júgirýshilerge syılyqtar men sertıfıkattar tabystaldy. Bul sportqa shyńdalý marafonyna jelaıaq, kásipker Marat Jylanbaev, «Ekibastuz» BQ dırektory Tatıana Shmıdt, «NAR-TRANS» JShS bas dırektory Rızvan Sınaev, «Avers» tehnıkalyq ortalyǵynyń dırektory, qalalyq máslıhattyń depýtaty Sergeı Lepehın, Eldar Abdınov demýshilik qoldaý kórsetti. Marafonshy otbasylary Jasybaı kóli jaǵasynda demalyp, kóterinki kóńil-kúımen úıge oraldy.
Farıda BYQAI,
«Egemen Qazaqstan».
Pavlodar oblysy,
Ekibastuz qalasy.
