Nur-Sultan qalasynda 31 mamyrdan 2 maýsymǵa deıin komıkster ındýstrııasy jáne olarǵa negizdelgen tanymal ónerge arnalǵan festıvaldik brendterdiń biri - Kazaqstan jáne Ortalyq Azııadaǵy alǵashqy halyqaralyq Comic Con - 2019 festıval-kórmesi ótedi.
1974 jyly AQSh-ta paıda bolǵan Comic Con jobasy barlyq komıksti unatatyndar, kınomandar, vıdeooıyndar, mýltfılmder jáne serıaldardyń jankúıerleri arasynda keńinen tanymal. Bul festıval – iri komıkster álemi avtorlarynyń óz aýdotrııasymen kezdesetin dástúrli alańy.
«Gık áleminiń» jarqyn oqıǵalarynyń biri Balalardy qorǵaý kúnine oraılastyrylǵan. Al Qazaqstandaǵy festıvaldi Nur-Sultan qalasynyń ákimdigi, Astana Convention Bureau uıymdastyrmaq.
Ár alýan jáne jarqyn festıval baǵdarlamasy quqyq ıelerimen kelisilgen. Shara barysynda kezdesýler, premeralar jáne arnaıy kórsetilimder, kospleılar jáne jańalyqtar men halyqaralyq stýdııalar men kompanııa ónimderiniń resmı tanystyrylymy ótedi dep kútilýde.
Halyqaralyq stýdııalardyń arasynda Marvel, HBO, Nickelodeon, Cartoon Network, Sony Pictures Television, Wargaming bar. Festıvaldi ótkizý úshin «Zııatkerlik menshiktiń ulttyq ınstıtýty» RMK halyqaralyq patenttik bıýrosynda Comic Con saýda markasy resmı túrde tirkeldi.
Nur-Sultan qalasyndaǵy Comic Con-ǵa qazaqstandyqtar jáne Taıaý jáne Alys shet elderdi qosa alǵanda 70 000 qonaq qatysady dep kútilýde. Sharanyń qatysýshylary komıkstar álemindegi osy jyldyń basty premeralaryn kórý, sýper qaharmandar kostıýmderin kııý, súıikti ártisterimen sýretke túsý múmkindigin alady.
Festıvalge barlyq tanymal jergilikti jáne sheteldik komıksterdiń avtorlary, baspalar, kınostýdııalar, kompıýterlik jáne ústel oıyndaryn qurastyrýshylar, tanymal anıme men manga avtorlary qatyspaq.
«Sýretshi-ıllıýstratorlar, ssenarıster jáne komıkster avtorlary, baspalar jáne kospleıge qyzýǵýshylar konkýrstyq negizde óz jumystaryn festıval stendinde kórsete alady.
Mýltı álemniń qaharmany bolý úshin, kishigirim tapsyrmany oryndaý kerek. Qatysýǵa nıet bildirgender portfolıony toltyryp, yqtımal qatysýshy Komıkster áleminde qandaı qaharman bolatynyn jazyp hat jiberýi shart» – dep málimdedi Astana Convention Bureau-da.
