23 Sáýir, 2019

Stýdentterdiń jumys tabýyna járdemdesedi

882 ret kórsetildi

Biz mamandarǵa degen suranysty únemi zerttep, oqý úderisine ózgerister engizemiz.

Sársen Amanjolov atyndaǵy Shyǵys Qazaqstan memlekettik ýnıversıtetinde Qazaqstandaǵy sheteldik ınvestorlar keńesi jumys tobynyń, atalǵan oqý ornynyń marketıng, mansap jáne jumysqa ornalastyrý ortalyǵy ókilderiniń jáne QMEBI (KIMEP)  ýnıversıtetiniń Mansap ortalyǵy basshylyǵynyń mansap jáne jumysqa ornalastyrý ortalyqtaryn qoldaý baǵdarlamasyna arnalǵan baspasóz-konferensııasy ótti.

ShQMÝ-dyń strategııalyq damý jáne ǵylymı jumys jónindegi prorektory Irına Rovnıakovanyń aıtýynsha, Marketıng, mansap jáne jumysqa ornalastyrý ortalyǵy túlektermen kezdesýler ótkizip, olarǵa qyzmetke turý týraly túsindirý jumystaryn júrgizedi. «Biz mamandarǵa degen suranysty únemi zerttep, oqý úderisine ózgerister engizemiz. 2018-2019 oqý jyly Amanjolov atyndaǵy ýnıversıtette oblys kásiporyndary talap etetin qaıta óńdeý óndirisiniń tehnologııasy, materıaltaný jáne jańa materıaldar tehnologııasy, tirshilik qaýipsizdigi jáne qorshaǵan ortany qorǵaý, aqparattyq júıeler sııaqty baǵyttar boıynsha jańa mamandyqtar ashyldy, óńir atalmysh saladaǵy mamandarmen tolyqpaq», - deıdi ol.

Marketıng, mansap jáne jumysqa ornalastyrý ortalyǵynyń jetekshisi Almıra Saqtaeva sońǵy jyldary ShQMÝ túlekteriniń jumysqa ornalasýy kóńil kónshitetinin jetkizdi. «Jyl saıynǵy monıtorıng nátıjeleriniń kórsetkishi 94-97% quraıdy. Bul – joǵary oqý orny atqarǵan jumystyń tıimdiliginen habar beretin mańyzdy kórsetkishteriniń biri», - deıdi ol.

Qazaqstan tarıhynda joǵary oqý orny janyndaǵy alǵashqy mansaptyq ortalyq 1995 jyly QMEBI-de (KIMEP) qurylypty. QMEBI Mansap jáne jumysqa ornalastyrý qyzmetiniń dırektory Merýert Adaıbekova ortalyqtyń 24 jyldyq jumys tájirıbesimen bólisip, О́skemendegi áriptesteriniń jumysyn joǵary baǵalady. «Jumys berýshige eń alǵyr, kelesheginen kóp úmit kúttiretin laıyqty mamandar qajet, olarǵa kompanııalar óz qarajatyn ınvestısııalaýǵa árkez daıyn. ShQMÝ ortalyǵy jumysynyń arqasynda joǵary oqý orny stýdentti akademııalyq bilimge nazar aýdarýǵa ǵana emes, jumys berýshini tanı jáne taba bilýge baýlıdy», - deıdi.  

О́SKEMEN

Sońǵy jańalyqtar

Prezıdentke UQK tóraǵasy esep berdi

Prezıdent • Búgin, 17:50

Dollar arzandady

Qarjy • Búgin, 16:50

12 jastaǵy qyzdy tonaǵan ury ustaldy

Qazaqstan • Búgin, 14:42

Bıyl 93 eldi meken gazben qamtylady

Qazaqstan • Búgin, 14:01

Uly dalanyń ulaǵaty

Aımaqtar • Búgin, 12:23

Uqsas jańalyqtar