Kún tártibindegi birinshi másele «Sergek» jobasyn iske asyrý barysyna qatysty boldy. Bul týraly qala ákiminiń orynbasary Malıka Bekturova baıandady.
«Qoǵamdyq qaýipsizdik deńgeıin arttyrý boıynsha «Sergek» jobasy aıasyndaǵy tapsyrmany oryndaý sheńberinde kelesi jumystar júrgizilýde: ruqsat etilmegen qoqys tastaıtyn jerler boıynsha aýdan ákimdikteri 24 mekenjaıdyń jıyntyq tizimin jiberdi, onyń 16 nysany rettelip, iske qosyldy. Beıne jazba polısııa departamentiniń JBO-ǵa jáne baqylaý men monıtorıng úshin ákimdiktiń axýaldyq ortalyǵyna shyǵarylady. Qazir vıdeony tikeleı aýdan ákimdikteriniń tynys-tirshiligin qamtamasyz etý bólimderine shyǵarý máselesi pysyqtalýda», - dedi M.Bekturova.
Qalanyń shet jaǵynda nóldik tózimdilik prınsıpin iske asyrý sheńberinde Kóktal-1, Kóktal-2, Prıgorodnoe, Ilınka eldi mekenderinde elektr qýaty men vıdeobaqylaý ornatylǵan barlyq jerde qondyrǵylardy tehnıkalyq turǵydan ornatý boıynsha zertteýler júrgizilip, burmaly ári bekitilgen kameralar ornatyldy.
Krımınogendik aýdandar boıynsha quqyqtyq statıstıka komıtetimen birlese otyryp, tirkelgen qylmystardyń sanyna oraı mekenjaılar boıynsha jumystar júrgizildi. Máselen, 10 eń krımınogendik aýlada úsh júzge jýyq jalpy beınebaqylaý kameralary ornatyldy.
«Qala turǵyndary men qonaqtarynyń qaýipsizdigin qamtamasyz etý maqsatynda men qalanyń barlyq mańyzdy nysandarynda «Sergek» beınebaqylaý kameralaryn beınebaqylaý kameralarymen qamtylmaǵan qala turǵyn alaptary men kóshelerinde ornatýdy tapsyrǵan bolatynmyn», - dedi B.Sultanov.
Sáýir aıynda paıdalanýǵa berilmegen nysandar boıynsha ınjenerlik jelilerdiń jumys isteýi, garajdardy buzý máseleleri, sondaı-aq jalańash symdar, kabeldiń ilinýi sııaqty taǵy da birneshe problemalyq másele paıda boldy.
Jyl basynan jalańash symdardyń, kabelderdiń, elektr symdarynyń jalǵanýy máseleleri boıynsha 653 ótinish kelip tústi, ıaǵnı kúnine orta eseppen alty ótinish túsedi.
«Qorshalǵan symdar, salbyrap jatqan kabelder, qaraýsyz qalǵan elektrmen jabdyqtaý nysandary máselesi ashyq qudyqtar sııaqty qala turǵyndarynyń ómiri men qaýipsizdigine qaýip tóndiredi. Bul bizdiń kommýnaldyq qyzmetimizge jáne otyn-energetıka keshenin basqarýǵa tán sharýashylyq emes», – dedi Nur-Sultan qalasynyń ákimi.
OEK jáne kommýnaldyq sharýashylyq basqarmasynyń basshysy Erbol Tóleýovtyń aıtýynsha, búgingi tańda qalany ýaqytsha elektrmen jabdyqtaý syzbasy boıynsha (ótkizgish kabelderi bar) 15 nysan jabylǵan. Osy obektilerdi elektrmen jabdyqtaýdyń turaqty shemasyna qaıta qosý «Astana-AEK» AQ ınvestısııalyq baǵdarlamasyna engizildi.
Qala ákimi Nur-Sultan qalasyn elektrmen qamtamasyz etý nysandaryn túgendeýdi jáne júıedegi kemshilikterdi joıýdy tapsyrdy.
Sondaı – aq, «1000 oryn - kóshe saýdasy» baǵdarlamasyn iske asyrý barysy da ákim nazarynda boldy.
B.Sultanovtyń aıtýynsha, kásipkerler sybaılas jemqorlyqqa qarsy qyzmetke jáne «Atameken» UKP-ǵa ÁKK-men jasalǵan sharttyń talaptaryna jıi shaǵymdanady, kelisimshart ÁKK-niń múddelerin qorǵaıdy, ruqsat berý kezinde keıde kommýnıkasııa qyzmetterimen, PIK-pen, jaqyn mańdaǵy úılerdiń turǵyndarymen, aýdan ákimdikterimen jáne polısııa departamentimen saýda oryndary kelisilmeıdi. Sol sebepti kásipkerlerde problemalar týyndaıdy.
«Barlyq ýchaskelerde ınfraqurylym joq: elektr, káriz, sý qubyry. Osy jerden tamaqtan ýlanýǵa, sanıtarııanyń joqtyǵyna qatysty turǵyndardyń shaǵymdary paıda bolady», – dep atap ótti Sultanov.
Kásipkerler, sondaı-aq, ótinim berý tetiginiń ashyq emestigine, ÁKK saıtynda aqparattyń bolmaýyna, paıdalanýshy úshin kúrdeli júıelik talaptarǵa shaǵymdanady.
Osyǵan baılanysty «Astana» ÁKK basqarma tóraǵasy Rústem Qýanyshbaevqa tártip ornatý, ruqsat berý tetigin retteý jáne sharttyq mindettemelerdiń naqty oryndalýyn qamtamasyz etý tapsyryldy. О́z kezeginde qala ákiminiń orynbasary Malıka Bekturovaǵa saýda nysandaryna monıtorıng júrgizý, sondaı-aq qoǵamdyq tamaqtaný oryndarynda sanıtarlyq normalardyń saqtalýyn qamtamasyz etý júkteldi.
