Resmı málimetter boıynsha, elimizde jyl saıyn 5 mln tonna shıki sút saýylady. Sút óńdeý ónerkásibi qaıta óńdeýge shamamen 1,5 mln tonna shıki sút qabyldasa, bul kórsetkish qaıta óńdeý zaýyttaryn shıkizatpen qamtamasyz etýge jetkilikti. QSO derekteri boıynsha, qazirgi ýaqytta qaıta óńdeýge túsetin súttiń shamamen 50%-y (700 myń tonnaǵa jýyq) KO TR talaptaryna saı kelmeıdi. Tıisinshe, 2020 jyldyń qańtarynan bastap Qazaqstan zaýyttary bul shıkizatty óndiriske qabyldaı almaıdy. 2020 jyldyń 1 qańtarynda tehnıkalyq reglamentterdi (KO TR 021 «Tamaq ónimderiniń qaýipsizdigi týraly» jáne 033 «Sút jáne sút ónimderiniń qaýipsizdigi týraly») engizý boıynsha Keden odaǵynda Qazaqstanǵa usynylǵan keıinge qaldyrýdyń merzimi aıaqtalady. Olardyń talaptaryna sáıkes qaıta óńdeýge túsetin sút shıkizaty qaýipsizdik boıynsha belgili bir parametrlerge sáıkes bolýy shart.
Qazaqstan Sút odaǵynyń atqarýshy dırektory Vladımır Kojevnıkovtyń aıtýynsha, reglament kúshine engenge deıin jarty jyldan sál artyq ýaqyt qaldy,alaıda memlekettik organdar tarapynan da, sút salasynyń kásiporyndary tarapynan da belsendi qatysýdy talap etetin birqatar mańyzdy máseleler áli kúnge deıin bar. Qazaqstannyń aldynda sút shıkizaty men osy salanyń ónimderin KO TR-ne sáıkes keltirý mindeti tur. Qazaqstandyq sút naryǵyn Keden odaǵynyń ózgeriske beıim kásiporyndarynyń basymdyǵy alańdatyp otyr.
Mamandardyń aıtýynsha, budan sút óńdeýshiler ǵana emes, malshylar da zardap shegedi. FAO ınvestısııalyq ortalyǵynyń ekonomısi Inna Pýndanyń aıtýynsha, sút aýyl turǵyndary úshin tabystyń kózi. О́tken jylǵy málimetter boıynsha, qaıta óńdeýge qabyldanǵan árbir ekinshi lıtr sút jeke qosalqy sharýashylyqtarǵa tıesili. Sút qaýipsizdiginiń birqatar kórsetkishteri boıynsha Keden odaǵynyń tehnıkalyq reglamentiniń talaptaryna sáıkes kelmeýi olardy sút jetkizý tizbeginen alynýy múmkin. Mundaı ahýal aýyldy tabys kózinen aıyrýǵa qaıta óńdeýshiler úshin shıkizattyń jetispeýine soqtyrady. Reglament talaptaryna kezeń-kezeńmen kóshýdiń ázirlengen Jol kartasy salanyń ınklıýzıvtik damýyna yqpal etedi.
