Kókparda aıtysker aqyn Aıtbaı Jumaǵulov bastaǵan «Alash», aıtysker aqyn Tilegen Ádilov qurǵan «Sypaı», dástúrli ánshi Serjan Musaıyn jetekshilik etken «Doda» jáne ánshi-sazger Saıat Ábdiǵalıdyń «Kókbóri» komandalary tartysqa tústi.
Júldeli úshinshi oryn úshin bolǵan tartysty saıysta «Kókbóri» komandasy «Alash» jigitterin jeńip ketti. Al bas júlde úshin bolǵan tartysta «Sypaı» komandasy «Dodanyń» kókparshylarynan 5:1 esebimen basym túsip, jeńimpaz atandy. Bul saıysta «Sypaıdyń» quramyndaǵy palýan Erik Erkenuly erekshe kózge túsip, tórt salymnyń avtory atandy.
Qaraǵandy oblystyq jastar saıasaty máseleleri jónindegi basqarmanyń basshysy Mıras Quttybaı «Dýmandy doda» kókpar oıynyn uıymdastyrýshylardyń biri Narıman Hasenovke alǵys aıtyp, jeńimpaz komandaǵa arnaıy taǵaıyndalǵan kýbokty tabys etti.
Qaraǵandy oblysy
