Jaýyngerlik sambodan álemniń úsh dúrkin chempıony degen ataǵy bar qandasymyz 27 jastaǵy germanııalyq Lom-Álı «Arystan» Eskıevpen kúsh synasady. Nemis sportshysy osyǵan deıin 19 kezdesý ótkizip, 15 márte jeńiske jetti. Arman Ospanov 10 ret aıqas alańyna shyǵyp, 8 básekeni óz paıdasyna sheshti. Qazaq jigiti óziniń sońǵy jekpe-jegin 2017 jyldyń jeltoqsan aıynda ótkizgen edi. Mine, endi «Suńqar» uzaqqa sozylǵan úzilisten soń oktagonǵa qaıta oralǵaly otyr.
Al 33 jastaǵy Evgenııdiń qarsylasy – reseılik Batraz Agnaev. Soltústik Osetııanyń týmasy bizdiń jigitten úsh jas kishi. Batraz 5 jekpe-jek ótkizip, 4 ret jeńis toıyn toılady. Al kezinde bokstan jastar arasyndaǵy álem birinshiliginiń júldegeri atanǵan jerlesimiz erejesiz jekpe-jekten 10 kezdesý ótkizip, sonyń bireýinde ǵana jeńilis tapty.
