Alqaly bas qosýdy júrgizgen moderator, «Urpag» qazaq mádenı-aǵartý ortalyǵynyń tóraıymy Gúlbaqsha Musabaeva jınalǵandardyń nazaryn elimizdegi eń yqpaldy saıası uıymnyń taıaýda ótken kezekten tys HIH sezi qabyldaǵan óte mańyzdy saıası sheshimine aýdaryp, óńirden qatysqan delegattardyń partııa Tóraǵasy Nursultan Nazarbaevtyń usynysyn biraýyzdan qoldaǵanyn jetkizdi.
« Elbasy tańdap alǵan saıası jáne ekonomıkalyq baǵdar sabaqtastyǵynyń ózgermeıtinine, odan ári jalǵasatynyna kepildik berdi. Qasym-Jomart Toqaevty elimizdegi joǵary laýazymǵa laıyqty úmitker retinde tapsyrylǵan memlekettik joǵary qyzmetterdi abyroımen atqarǵanyn atap kórsetti. «Qasym-Jomart Toqaevtyń BUU Bas hatshysynyń orynbasary bolǵanyn jáne tájirıbeli memleket saıasatkeri ekenin jaqsy bilesizder» dep azamattyq tulǵasyna joǵary baǵa berdi. Sonymen qatar saılaýdy talapqa saı ótkizý jóninde birqatar tapsyrmalar júktedi. Soltústikqazaqstardyqtar da el tutastyǵyn aıqyndaıtyn, aýyzbirligimizdi aıǵaqtaıtyn saılaý ýchaskelerine bir kisideı baryp, uıymshyldyqpen qatysary anyq», dedi Gúlbaqsha Nurmuqanqyzy.
Oblystyq halyqtar assambleıasy janyndaǵy aqsaqaldar keńesiniń tóraǵasy, «Dýslyk» tatar-bashqurt qoǵamynyń múshesi Fanıs Lıtfýllın kezekten tys sezd sheshimderine qatysty oı sabaqtady.
«Táýelsizdiktiń eleń-shaǵyndaǵy ótkel, asý bermes tárizdi kórinetin ekonomıkalyq qıyndyqtar áli kúnge deıin kóz aldymyzda, aǵa urpaq ony eshqashan umytpaıdy. Osyndaı «tar jol, taıǵaz keshý» kezeńinde el tizginin Nursultan Ábishuly sııaqty kemel tulǵaǵa, saıasatkerge senip tapsyrdyq. Qazaqstan halqy tańdaýdan qatelespegenine búgingi ómir shyndyǵy dálel. Otanymyzdy órkendetý, órkenıetti memleketter qataryna qosý jolyndaǵy eńbegi ushan-teńiz. Ony eshkim joqqa shyǵara almaıdy. Prezıdenttik ókilettigin óz erkimen toqtatyp, egemendik alǵannan beri qasynda júrgen, birge qyzmet etken syralǵy komandalasy, úlken qaıratker Qasym-Jomart Toqaevqa tapsyrýy birden-bir ádil sheshim der edim. Onyń qazaqstandyqtardy sara joldan adastyrmaı, bıikterge bastaı beretinine bek senimdimin», degen ol Elbasy usynǵan úmitkerdi biraýyzdan qoldaýǵa shaqyrdy.
Jıynda «Somonıon» tájik etnomádeı uıymynyń jetekshisi Anvarshoh Amırshaev, «Ashy beldeý» respýblıkalyq birlestiginiń jergilikti fılıalynyń tóraǵasy Oleg Kýznesov, «Radzima» belorýs mádenı uıymynyń tóraıymy, «Jańǵyrý joly» qozǵalysynyń múshesi Marııa Tatarenko sóz alyp, aldymyzda úlken saıası naýqan turǵanyn, oǵan tyńǵylyqty ázirlikter jasaý basty talap ekenin, saılaýdy ashyq, ádil ótkizýdiń barlyq alǵy sharttary qalyptasqanyn jetkizdi.
Forýmǵa qatysýshylardyń oı-pikirleri ultaralyq, konfessııaaralyq jarasymdylyqtyń negizi ózara túsinistik, sabaqtastyq degen arnada toǵysty.
