Is-sharaǵa joǵary synyp oqýshylary, H. Dosmuhamedov atyndaǵy Atyraý memlekettik ýnıversıteti áskerı kafedrasynyń stýdentteri men Atyraý qalasyndaǵy áskerı-tehnıkalyq mekteptiń kýrsanttary shaqyryldy. О́skeleń urpaq úshin oqý kórsetilimdi oryndar óristetildi. Onda olar áskerı kıim úlgileri jáne áskerılerdiń ekıpırovkasy, áskerı tehnıka jáne qarý-jaraqpen, dalalyq joryqtar kezindegi turý jaǵdaıy, armııalyq ashananyń taǵam rasıonymen tanysty.
Odan basqa, olarǵa saptyq jáne dene daıarlyǵynyń elementteri, qoıan-qoltyq urys pen RHBQ (radıasııalyq, hımııalyq jáne bıologııalyq qorǵaý) boıynsha elementter kórsetildi.
Áskerı bólimderdiń tárbıeshi ofıserleri áskerı qyzmetshilerdiń tynysy men turmysy, áskerı qyzmet ótkerý tártibi jáne oryndalatyn oqý-jaýyngerlik tapsyrmalar týraly aıtyp berdi. Shara sońynda kezdesý uıymdastyrýshylary qonaqtarmen áskerı-sporttyq estafeta ótkizdi. Onyń qorytyndysy boıynsha H. Dosmuhamedov atyndaǵy AMÝ áskerı kafedrasy stýdentteriniń komandasy jeńiske jetti.
Sondaı-aq oblystaǵy jas urpaqqa áskerı-patrıottyq tárbıe berýde belsene atsalysyp júrgen alǵashqy áskerı daıyndyqtyń oqytýshylary alǵys hattarmen jáne gramotalarmen marapattaldy.
- 2019 jyl elimizde Jastar jyly bolyp jarııalandy jáne Ashyq esik kúnderiniń ótkizilýi armııaǵa óńirimizdiń jastary men jalpy azamattyq qoǵamǵa barynsha ashyq bolýǵa múmkindik beredi. Bul óskeleń urpaqty patrıotızm rýhynda tárbıeleýge jáne áskerı kásipke qurmet kórsetýge, bozbalalardy Qarýly Kúshter qatarynda qyzmet etýge daıyndaýǵa yqpal etedi, deıdi shtab bastyǵy – «Batys» óńirlik qolbasshylyǵy áskerleri qolbasshysynyń birinshi orynbasary polkovnık N. Aldııarov.
Mańǵystaý oblysy
