Aýstrııanyń Federaldyq ishki ister mınıstrliginen kelgen sarapshylar Qazaqstannyń Ulttyq qaýipsizdik komıteti Shekara qyzmetiniń ofıserlerine arnalǵan arnaıy baǵdarlamany ázirledi. Qatysýshylar qaǵaz óndiris prosesin, qaǵazǵa engiziletin qaýipsizdik elementterin, sondaı-aq qorǵanysh elementteri qosylǵan sııalardy jáne ártúrli baspa tehnologııalaryn zerttedi. Sarapshylar 200-ge jýyq shyn jáne jalǵan jol júrý qujattaryn kórsetti, jáne de osy qujattarda qorǵanysh elementterdi anyqtaýdyń joldaryn talqylady.
Tájirıbelik jattyǵýlar qatysýshylarǵa álemniń kóptegen elderiniń banknotalarymen jumys isteýge múmkindik berdi. Sarapshylar qatysýshylarǵa arnaıy úlkeıtkish prıborlardy, sandyq mıkroskoptardy jáne «Dokýboks» prıboryn jańadan alǵan bilimderin jattyqtyrý úshin usyndy. Qujattardy qarastyrýda eń úzdik praktıkalardy zertteýge qosa, bolashaq ınstrýktorlarǵa basqalardy osy tujyrymdamalardy qalaısha durys oqytý joldary boıynsha keńester berildi. Is-shara ınstrýktorlardy qorytyndy daıyndaý úshin taǵy eki aptalyq kýrspen tolyqtyrylatyn bolady.
Is-sharany Nur-Sultandaǵy EQYU Baǵdarlamalar ofısi Nur-Sultandaǵy AQSh Elshiliginiń halyqaralyq esirtkimen kúres jáne zańdylyqty saqtaý baǵdarlamasymen, Zańsyz esirtki, psıhotroptyq zattar men prekýrsorlardyń aınalymyna qarsy kúres Ortalyq Azııa óńirlik aqparattyq úılestirýshi ortalyǵymen, sondaı-aq Ulttyq qaýipsizdik komıtetiniń Shekara qymetimen tyǵyz yntymaqtastyqta uıymdastyrdy. Kýrsty EQYU Transulttyq qaýip-qaterler departamentiniń Jol júrý qujattarynyń qaýipsizdigi boıynsha baǵdarlamasy qoldady.
