«Otandy súıý – otbasynan bastalady» atty baıqaý úsh kezeńnen turdy: sálemdesý, sporttyq estafeta jáne shyǵarmashylyq baıqaý. Baıqaýdyń eń kóztartar jáne emosıonaldyq sáti sporttyq estafeta boldy. Onyń barysynda ata-analar men balalar sekirtpede sekirdi, sheńberdi aınaldyrdy, naızany laqtyrdy, doppen júgirdi jáne ózdiginen syrǵanaıtyn quraldy tepti. Shyǵarmashylyq baıqaý qatysýshylarǵa shekteý qoıǵan joq. Sondyqtan qatysýshylar kórermenderdi kórkemdik nómirlermen, qoıylym jáne tátti pisirmelermen qýantty.
Baıqaý qorytyndysy boıynsha serjant M. Súndetqalıevtiń januıasy jeńiske qol jetkizdi, ekinshi oryn kishi serjant I. Ihsanovtyń otbasyna buıyrdy. Úshinshi orynǵa efreıtor D. Idrıshevtiń áýleti taban tiredi.
Esterińizge sala ketsek, Qarýly Kúshterde birneshe jyl boıy áskerı qyzmetshilerdiń otbasylarymen jumys jónindegi qyzmet jumys atqaryp keledi. Olardyń basty maqsattary men mindetteri otbasy bedelin nyǵaıtý, onyń áleýmettik mártebesin arttyrý, otbasylyq qundylyqtar men dástúrdi damytý, belsendi áleýmettik ustanymdy qalyptastyrý, sondaı-aq jas otbasylardyń salaýatty jáne belsendi ómir saltyn nasıhattaý bolyp tabylady.
