«Muńaıma» qory 2007 jyly Almaty oblysynda jumysyn bastady. Qordyń tabysty jobalarynyń biri «áleýmettik qalashyqtyń» ashylýy boldy, onda az qamtylǵan azamattar qonystana alady, jańa mamandyqtardy oqyp, óndiriste jumys isteı alady jáne óz isin ashýǵa kómek ala alady.
«Muńaıma» qorynyń úılestirýshisi Merhan Ábilov mindetti shart mamandyq boıynsha oqytý, keıin jumysqa ornalastyrý bolyp tabylady dep atap ótti. Jobaǵa qatysý bir jyl boıyna jalǵasady - alǵashqy 6 aıda oqytý jáne «áleýmettik qalashyqta» jumys jasaıdy, al keıingi kezeńde bıznesti bastaý úshin bıznes-jospar ázirleýde kómek kórsetiledi. Bıznes-ıdeıany iske asyrý úshin Qor alǵashqy jarty jyl ishinde qatysýshy tapqan kapıtaldy eki ese kóbeıtedi.
B. Saparbaev jobaǵa qatysýshylar jumys isteıtin óndirispen, olardyń ómir súrý jaǵdaıymen tanysty jáne qalashyq aýmaǵynda ornalasqan balabaqshaǵa bardy.
Mınıstr qordyń jumysyna oń baǵa berdi. Jeke bıznestiń osyndaı áleýmettik jobalaryn búkil Qazaqstan boıynsha taratý qajet ekenin atap ótti.
2016 jyldan bastap 500-ge jýyq otbasy jobaǵa qatysty. Qazirgi ýaqytta «áleýmettik qalashyqta» 120 adam turady. Qalashyqtyń 350 adamǵa deıin ornalastyrý múmkindigi bar. Osyndaı jobany Elorda ákimdiginiń qoldaýymen Nur-Sultan qalasynda júzege asyrý josparlanýda.
