Shyǵarmashylyq keshte qaladaǵy №21 mekteptiń muǵalimi J.Mursalovanyń jetekshiligimen bir top oqýshy E.Qorabaevtyń óleńderin jatqa aısa, pán muǵalimi Á.Bımýrzaeva aqynnyń «Syr-saýal» atty óleńin mánerlep oqyp berdi.
Shara barysynda kórermender suraq qoıyp qana qoımaı, aqynnyń óleńderinen úzindi de keltirip, shyǵarmashylyq keshtiń shyraıyn keltirdi. Departament qyzmetkerleri J.Shyrtanova «Qyz óleń» degen shyǵarmany naqyshyna keltirip oqyp berse, al aqynnyń jerlesi H.Quspanova «Eski toǵan» atty óleńdi oqydy.
Shyǵarmashylyq keshte esimi elge belgili ánshiler A.Kósherov pen M.Safarov Erekeńniń «Tór jaılaý-Beıneý», «Narly meken», «Qarataý boıynda» ánderin oryndap berdi.
Kesh sońynda aqyn aǵaǵa alǵysyn bildirgen Departament basshysy aqynnyń «Mańǵystaý ázilderi» kitabynan osy jumystyń baǵytyna suranyp turǵan joldardy mysalǵa keltirip, «О́zińdi óziń túzegeniń durys shyǵar, áıtpese úkimet aralasyp túzetse, qıyn bolady» degen tirkestiń Ádep keńesi otyrysynyń uranyndaı eken dedi.
Departamentte memlekettik qyzmetshilerge arnalyp jasaqtalǵan «Rýhanı jańǵyrý» atty kitaptar buryshyna aqyn aǵa óziniń «Mańǵystaý ázilderi», «Esi bar tentek» kitaptaryn qoltańbasyn qaldyra otyryp, estelikke usyndy.
Mańǵystaý oblysy
