Saıasat • 29 Sáýir, 2019

Nur-Sultan qalasynda stýdentter jataqhanalaryn salýǵa 16 jer telimi bólindi — BǴM

678 ret kórsetildi

Nur-Sultan qalasy boıynsha jataqhanalarǵa qajettilik 17 636 oryndy quraıdy. Bul týraly búgin QR Úkimetiniń baspasóz konferensııasy barysynda QR bilim jáne ǵylym vıse-mınıstri B. Asylova aıtyp berdi. Bul týraly Premer-Mınıstrdiń baspasóz qyzmeti habarlady.

Elbasynyń Bes áleýmettik bastamasy aıasynda 2022 jyldyń sońyna deıin 75 myń orynǵa jańa stýdentter jataqhanalary paıdalanýǵa berilýi tıis. QR bilim jáne ǵylym vıse-mınıstri B. Asylova Qazaqstan astanasynda stýdentter jataqhanasyn salý úshin 16 jer telimi bólingenin aıtty.

«2 jobalyq-smetalyq qujattama ázirlendi, 5-ýi ázirlený ústinde. 710 orynǵa eki kelisim jasaldy jáne 4964 orynǵa 5 kelisim kelissózder satysynda. 370 oryndyq KAZGIýÝ jataqhanasynyń qurylys-montaj jumystary júrgizilip jatyr, sonymen qatar  340 oryndyq basqarý kolledjiniń rekonstrýksııasy jasalýda. Bıyl olar paıdalanýǵa beriledi», — dedi B. Asylova.

Sonymen qatar, osy jyldyń úshinshi toqsanynda úsh jataqhana rekonstrýksııalanady. Olar — basqarý kolledjiniń, «Astana» medısınalyq ýnıversıtetiniń jataqhanalary, sondaı-aq L. N. Gýmılev atyndaǵy EUÝ jataqhanasy.

Bilim jáne ǵylym vıse-mınıstri atap aıtqandaı, jataqhanalardyń menshiktegi ekenine nemese MJÁ qatysýymen salynǵanyna qaramastan, barlyq jataqhanalar boıynsha qyzmet kórsetý jáne paıdalaný shyǵyndaryn JOO nemese kolledjdiń ózi kóteredi.

«Bul onyń tikeleı shyǵyndary. Stýdentterge shyǵyndar shartty alǵanda shákirtaqy kóleminiń 10%-nan aspaıdy. Bul az ǵana mınımým, 10 myń teńge shamasynda, al orta eseppen alǵanda, turý shyǵyndarynyń ózindik quny 35 myń teńgege deıin quraıdy. Bul olardyń mindetteri», — dedi B. Asylova.

Bul rette ol jataqhanalar qurylysyna ınvestorlar qatysqan jaǵdaıda, kelisim nysandardyń maqsatty ıeligin ózgertý quqyǵynsyz 20 jylǵa jasalatynyn aıtty.

«Jataqhana salynǵan sátte-aq bul nysanǵa aýyrtpalyq qoıylady jáne 20 jylǵa aýyrtpalyq qoıylǵan soń kelisim jasalyp, tıisinshe ınvestorlarǵa tólem júrgiziledi. 20 jyl boıy ınvestor onyń maqsatty arnalýyn ózgerte almaıdy. Eger ol óziniń sheshimin ózgertetin bolsa, bul ınvestor memleketke belgili bir kezeńde tólengen barlyq qarajatty qaıtarýy tıis bolady. Bul erejelerde jáne zań aktilerinde qarastyrylǵan», — dep túsindirdi vıse-mınıstr.

B. Asylova sonymen qatar jýyrda ınvestorlarǵa qoıylatyn negizgi talaptar 20%-ǵa qysqartylǵanyn eske saldy, bul olardyń nysandardy salýǵa jumsalatyn shyǵyndaryn edáýir azaıtady.

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar