«Eýrazııalyq banktiń fılıaldar jelisi elimizdiń barlyq óńirlerinde ornalasqan. Bul bizge «Orda» ıpotekasy boıynsha turǵyn úı satyp alýǵa múddeli klıentterge qyzmet kórsetetin ekinshi deńgeıdegi bankterdiń bólimsheler sanyn keńeıtýge múmkindik beredi, – deıdi Basqarma tóraǵasynyń orynbasary Májıt Júsipov.
2019 jylda suranystyń artýy «Orda» óniminiń ózektiligin bildiredi. Baǵdarlama bastalǵannan beri 2019 jyldyń sáýirindegi kórsetkish boıynsha QIK-ke jalpy somasy 4.2 mlrd teńgege 355 ótinim kelip túsken. Onyń ishinde 263 ótinim maquldanyp, qaryz alýshylar jalpy somasy shamamen 3,3 mlrd teńge bolatyn qaryz alǵan.
«Orda» ıpotekalyq ónimi Qazaqstannyń barlyq azamattaryna menshiginde basqa turǵyn úıdiń bolýyna qaramastan, bastapqy jáne qaıtalama turǵyn úı naryǵynan jyljymaıtyn múlik satyp alýǵa múmkindik beredi. Tólemge qabilettilik tolyq rastalǵan jaǵdaıda qaryz alýshylar úshin ıpotekalyq qaryz boıynsha mólsherleme jyldyq 12%-dy quraıdy. Sondaı-aq bastapqy jarnany qosymsha kepilge - qaryz alýshynyń nemese úshinshi tulǵalardyń jyljymaıtyn múlkine aýystyrýǵa múmkindik bar.
