Atalǵan is-shara jumysyna eki eldiń 150-den astam isker toptarynyń ókilderi, onyń ishinde 100-ge jýyq Majarstan bıznesiniń ókilderi qatysty.
Kezdesý barysynda Qazaqstannyń ınvestısııalyq múmkindikteri men eksporttyq áleýeti, birlesken yntymaqtastyqtyń artyqshylyqtary men eki memlekettiń saýda-ekonomıkalyq áriptestigin odan ári ilgeriletý perspektıvalary tanystyryldy.
Bıznes-forým aıasynda yntymaqtastyq týraly 10 kelisimge qol qoıyldy.
Sonymen qatar, forým aıasynda qazaqstandyq jáne Majarstandyq kásipkerler arasynda eki jaqty kezdesýler ótkizildi, onda agroónerkásiptik keshen, jeńil jáne tamaq ónerkásibi, qurylys, hımııa salasy jáne mashına jasaý salasyndaǵy yntymaqtastyq máseleleri talqylandy.
Búginde elimizde Majar kapıtalynyń qatysýymen 60-tan astam kásiporyn jumys isteıdi.
Esterińizge sala ketsek, Qazaqstan táýelsizdik jyldarynda Majarstan otandyq ekonomıkaǵa 200 mln AQSh ınvestısııa quıdy.
Qazaqstan men Majarstan arasyndaǵy taýar aınalymy 2018 jyly – 2019 jyldyń 1 toqsanynda 155,4 mln AQSh dollary qurady.
2018-2019 jyldary Qazaqstannan Majarstanǵa eksport 28,2 mln AQSh dollar qurasa, Majarstannan ımport 127,2 mln AQSh dollaryn qurady.
