Ámirjan Sáǵıdrahmanulyn Qazaqstan Respýblıkasynyń Prezıdenttikke kandıdat retinde usynǵan «Ult taǵdyry» birlesken ulttyq-patrıottyq qozǵalysy» qoǵamdyq birlestigi onyń qajetti qujattyryn Ortalyq saılaý komıssııasyna ótkizgen bolatyn.
Memlekettik tildi erkin meńgergendigin anyqtaıtyn lıngvıstıkalyq komıssııada emtıhandy qalaı tapsyrǵany jóninde fılologııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi, L.N. Gýmılev atyndaǵy Eýrazııalyq ulttyq ýnıversıteti túrkitaný kafedrasynyń meńgerýshisi, lıngvıstıkalyq komıssııa tóraǵasy Myrzataı Joldasbekov: - Búgin lıngvıstıkalyq komıssııada jazbasha jumys boıynsha Ámirjan Qosanov "Táýelsiz memleketter dostastyǵy: tarıhy men búgini" atty taqyrypty tańdady. Ekinshi tapsyrma boıynsha aqyn Qadyr Myrza Áliniń shyǵarmasyn aldy. Úshinshi erkin tapsyrma boıynsha Ybyraı Altynsarınniń "О́ner-bilim bar jurttar" degen óleńnin tańdady. Bul úsh tapsyrma boıynsha da Qazaqstan Prezıdenttigine kandıdat Ámirjan Qosanov memlekettik tildi erkin meńgergendigin jan-jaqty, joǵary dárejede tolyqtaı kórsetip berdi,- dep aıtyp berdi.
Sonymen qatar Ortalyq saılaý komıssııasynda Qazaqstan Respýblıkasynyń Prezıdenttigine kandıdattar Tóleýtaı Raqymbekov pen Jambyl Ahmetbekovtiń QR Konstıtýsııasynyń jáne "Qazaqstan Respýblıkasyndaǵy saılaý týraly" Konstıtýsııalyq zań talaptaryna sáıkestigin anyqtaý qaýlysy qabyldandy. "Qazaqstan Respýblıkasyndaǵy saılaý týraly" Konstıtýsııalyq zańynyń 54-babynyń 5-shi tarmaǵyna jáne 55-babyna saı "Aýyl" Halyqtyq-demokratııalyq patrıottyq partııasy" qoǵamdyq birlestigi Tóleýtaı Raqymbekovti Qazaqstan Respýblıkasynyń Prezıdenttigine kandıdat retinde usynýyna baılanysty onyń tıisti qujattaryn Ortalyq saılaý komıssııasy qabyldady. Sol sııaqty osy negizde Qazaqstan Respýblıkasynyń Prezıdenttigine Jambyl Ahmetbekovti "Qazaqstan kommýnıstik halyq partııasy" qoǵamdyq birlestigi usynyp, onyń tıisti qujattaryn Ortalyq saılaý komıssııasy qabyldady.
Odan soń Qazaqstan Respýblıkasynyń Prezıdenttigine kandıdattar Tóleýtaı Raqymbekovtiń jáne Jambyl Ahmetbekovtiń sáıkestigin tekserýde járdemdesýi úshin ýákiletti memlekettik organdarǵa suraý salynyp, tıisti málimetter alyndy. Al 2019 jylǵy 27 sáýirde Ortalyq saılaý komıssııasynda atalǵan qos kandıdattyń memlekettik tildi erkin meńgergendiginin anyqtaý jónindegi lıngvıstıkalyq komıssııanyń otyrysy bolyp, onda ekeýiniń de memlekettik tildi erkin meńgergendigi jóninde sheshim qabyldandy.
Ortalyq saılaý komıssııasy Ishki ister mınıstrliginiń Kóshi-qon qyzmeti komıtetiniń, Bas prokýratýranyń Quqyqtyq statıstıka jáne arnaıy esepke alý jónindegi komıtetiniń jáne Memlekettik qyzmet isteri jáne sybaılas jemqorlyqqa qarsy is-qımyl agenttiginiń málimetteri negizinde Qazaqstan Respýblıkasynyń Prezıdenttigine kandıdat Tóleýtaı Sataıuly Raqymbekovtiń jáne Qazaqstan Respýblıkasynyń Prezıdenttigine kandıdat Jambyl Ahmetbekovtyń Qazaqstan Respýblıkasynyń Konstıtýsııasynda jáne «Qazaqstan Respýblıkasyndaǵy saılaý týraly» Konstıtýsııalyq zańynda qoıylǵan talaptarǵa sáıkes keletinin anyqtady.
Sóıtip oblystardyń, respýblıkalyq mańyzy bar qalalardyń, Qazaqstan Respýblıkasy astanasynyń saılaý komıssııalaryna Qazaqstan Respýblıkasynyń Prezıdenttigine kandıdatty qoldaý úshin qol jınaýǵa qol qoıý paraqtary tapsyryldy. Qol jınaýdy Prezıdenttikke kandıdattyń senim bildirgen adamdary júzege asyratynyn jáne ol qol qoıý paraqtarymen resimdeletinin atap ótý qajet. Senim bildirilgen adamdardyń tirkeýdi aýmaqtyq saılaý komıssııasy Qazaqstan Respýblıkasy Ortalyq saılaý komıssııasy qaýlysymen bekitilgen nusqaýlyǵynyń negizinde júzege asyrady.
